3M DBI SALA KM419, Руководство пользователя

Страница: 101 / 228

101
3.0 UPPSETNING
3.1 SKIPULAGNING: Skipuleggið fallvarnarkerfið áður en vinna hefst. Íhugið alla þætti sem gætu haft áhrif á öryggi,
bæði fyrir fall, á meðan að fall á sér stað og eftir fall. Takið tillit til allra krafa og takmarkana sem teknar eru fram í
hluta 1. & 2.
3.2 FESTINGAR: Á skýringarmynd 8 má sjá festingar festingartengis. Veljið festistað þar sem hættan á fríu falli og
sveiflufalli er sem minnst (sjá hluta 2). Veljið traustan festistað sem þolir það stöðuálag sem tekið er fram í hluta 2.
3.3 AÐ SETJA UPP FESTINGARTENGIÐ:
A. Settu festingartengið yfir akkerisfestinguna þannig að merkimiðarnir snúi út, beint á fasta
akkerisfestingarsamsetninguna gegnum innri hluta slöngvunnar eins og sýnt er á mynd 7.A
B. Þegar festingartengið er vel staðsett á akkerisfestingunni skaltu setja einn enda slöngvunnar í gegnum hinn
endann eins og er sýnt á mynd 7.B. Renndu einum enda slöngvunnar upp eftir akkerisfestingunni, yfir vefinn.
Togaðu annan enda slöngvunnar niður til að fjarlægja slakann sem myndaðist við að færa fyrri slöngvuendann
upp.
C. Lausu endarnir hanga fyrir neðan akkerisfestinguna, og báðir endar eru tengdir við tengi akkerisfestingar.
festingartengið á að vera þétt vafið í kringum akkerisfestinguna með akkerisfestingartenginu hangandi lausu
eins og er sýnt á mynd 7.C. Hægt er að vefja festingartenginu oft í kringum akkerisfestinguna til að stytta lengd
reipisins. Settu enda slöngvunnar í gegnum hinn endann í hvert skipti.
D. Akkerisfestingartengið verður að vera þétt upp við akkerisfestingarsamsetninguna. Ekki skilja eftir neinn slaka í
festingartenginu, þar sem slíkt gæti aukið falllengd í frjálsu falli ef einhver dettur.
;
Ekki skal gera neina hnúta á akkerisfestingarpunkt festingartengisins. Tengjandi undirkerfi skal einungis vera
tengt við beina slöngvu. Hnútar draga verulega úr styrkleika akkerisfestingarpunktsins.
3.4 AÐ TENGJAST AKKERISFESTINGARTENGINU: Tengdu þig einungis við uppsettan akkerisfestingarpunktinn með
sjálflæsandi smellikrók eða með sjálflæsandi karabínu. Ekki skal nota hnút til að tengja líflínuna við akkerisfestinguna.
Ekki skal setja dragreipið né líflínuna í gegnum slöngvuna. Tryggðu að öll tengi séu að fullu lokuð og læst. Sjá
mynd 8 fyrir það hvernig skal tengja dæmigerðan fallstöðvunar- eða takmarkandi búnað við akkerisfestingartengið.
Þegar notað er dragreipi sem tekur til sín fallorku, skal tengja fallorku „pakka“ við enda beislisins. Tryggðu að
sjálfinndraganlega líflínan sé staðsett þannig að hún hreyfist án vandkvæða. Alltaf skal vernda líflínu eða dragreipi
frá núningi á skörpum brúnum eða annars konar núningi á vinnusvæðinu. Tryggðu að öll tengi séu samhæf að stærð,
lögun og styrkleika. Aldrei skal tengja meira en eitt persónulegt verndarkerfi við eitt akkerisfestingartengi.
A. (1) Akkerisfesting, (2) festingartengi, (3) Tengi, (4) SRD.
B. (1) Akkerisfesting, (2) festingartengi, (3) Dragreipi sem tekur fall.
C. (1) Akkerisfesting, (2) festingartengi, (3) Dragreipi sem tekur fall, (4) Reipishald, (5) Lóðrétt líflína.
4.0 NOTKUN
;
Byrjendur eða aðilar sem nota festingartengi sjaldan ættu að fara yfir „Öryggisupplýsingar“ í byrjun þessarar
handbókar áður en þeir nota festingartengið.
4.1 SKOÐUN AF HÁLFU STARFSMANNS: Fyrir hverja notkun skal skoða festingartengið samkvæmt gátlistanum í
Eftirlits- og viðhaldsskrá (tafla 2) . Ef skoðun leiðir í ljós óörugg skilyrði eða gefur til kynna að festingartengið hafi
orðið fyrir skemmdum eða álags vegna falls verður að taka festingartengið úr notkun og farga því.
4.2 EFTIR FALL: Öll festingartengi sem hafa orðið fyrir álagi vegna varnar við falli eða hafa ummerki um skemmdir sem
samsvara varni gegn falli samkvæmt því sem tekið er fram í Uppsetningar- og viðhaldsskrá (tafla 2) verður að taka úr
notkun samstundis og farga.
5.0 SKOÐUN
5.1 SKOÐUNARTÍÐNI: Festingartengið með skal skoða með því millibili sem tekið er fram í hlta 1. Skoðunaraðferðum er
lýst í „Eftirlits- og viðhaldsskrá“ (tafla 2) .
;
Erfiðar vinnuaðstæður (óblítt umhverfi, langvarandi notkun, o.s.frv.) geta haft í för með sér tíðari skoðun.
5.2 ÓÖRUGGAR AÐSTÆÐUR EÐA GALLAR: Ef gallar koma í ljós við skoðun, skal fjarlægja festingartengið umsvifalaust
úr umferð og farga því til að koma í veg fyrir að það sé notað fyrir slysni. Festingartengi eru ekki viðgerðarhæf.
5.3 LÍFTÍMI VÖRU: Endingartími 3M dragreipa ræðst af vinnuaðstæðum og viðhaldi. Hámarkslíftími getur verið frá 1 ári
við mikla notkun í öfgakenndum aðstæðum til 10 ára ef notkun er lítil og aðstæður eru vægar. Nota má vöruna áfram
svo lengi sem hún stenst skoðunarkröfur og það í allt að 10 ár.