3M Airstream AS-300, Инструкция по эксплуатации

Страница: 36 / 99

35
i
Lesið þessar leiðbeiningar samhliða sérleiðbeiningum þar sem finna má
upplýsingar um:
• Varahluti
• Aukahluti
^
Veitið viðvörunaryfirlýsingum sérstaka athygli þar sem í þær er vísað.
UMBÚÐIR FJARLÆGÐAR
3M™ Airstream™ AS-300 öndunarhlífakerfi á hjálma ætti að innihalda:
a) AS-300 öndunarhlífakerfi
b) rafhlöðupakka
c) agnasíu
d) Loftflæðivísi
e) Notendaleiðbeiningar
f) Sérleiðbeiningar
KERFISLÝSING
3M™ Airstream™ AS-300 öndunarhlífakerfi á hjálma er samþætt kerfi sem
hannað er til að verja öndunarfæri, höfuð, augu og andlit. Þessar vörur uppfylla
kröfur EN 12941 (öndunarfærahlífar – síur með dælu). Lofti er dælt í gegnum síu
í hjálminum með viftu aftan á hjálminum. Loftið streymir yfir höfuð notanda og yfir
andlit viðkomandi. Hjálmgríman og höfuð- og andlitsþéttir verja gegn menguðu
lofti.
VIÐURKENNINGAR
Þessar vörur eru gerðarviðurkenndar og skoðaðar árlega af BSI, Kitemark Court,
Davy Avenue, Knowlhill, Milton Keynes, MK5 8PP, Bretlandi (tilkynntur aðili nr.
86). Þessar vörur eru CE-merktar í samræmi við kröfur sem settar eru fram í
annaðhvort Evróputilskipun 89/686/EBE eða Evrópureglugerð (ESB) 2016/425.
Upplýsingar um gildandi sértæka löggjöf sem þessar vörur samræmast má finna
með því að skoða vottunina og samræmisyfirlýsinguna sem finna má á
eftirfarandi vefsvæði: www.3m.com/Respiratory/certs
Þessi vara samræmist Evróputilskipun um rafsegulsviðssamhæfi 2014/30/ESB.
^
VIÐVARANIR OG TAKMARKANIR
• Rétt val, þjálfun, notkun og viðeigandi viðhald eru allt nauðsynlegir þættir
til að varan geti varið notandann fyrir tilteknum aðskotaefnum í lofti og
líkamlegri hættu.
• Ef öllum notkunarleiðbeiningum þessarar öndunarhlífar er ekki fylgt
og/eða ef hún er ekki höfð rétt á í heild sinni allan váhrifatímann getur það
haft alvarleg áhrif á heilsufar notandans og leitt til alvarlegra eða
lífshættulegra sjúkdóma, meiðsla eða varanlegrar fötlunar.
• Til að varan henti og sé notuð rétt skal fylgja staðbundnum reglugerðum,
fara eftir öllum upplýsingum sem með henni fylgja eða hafa samband við
öryggissérfræðing/fulltrúa 3M (upplýsingar um tengiliði á staðnum).
• Notið þetta öndunarhlífakerfi eingöngu í samræmi við allar leiðbeiningar:
• sem er að finna í þessum bæklingi
• sem fylgja öðrum íhlutum kerfisins
• Notið ekki Airstream-hjálma þar sem styrkur mengunar er meiri en 10 sinnum
viðmiðunargildið.
• Notið ekki sem öndunarhlíf gagnvart óþekktum aðskotaefnum í lofti eða þegar
styrkur aðskotaefna er óþekktur eða umsvifalaust hættulegur lífi eða heilsu
(IDLH).
• Notið ekki í andrúmslofti þar sem súrefnisinnihald er minna en 19,5%.
(Skilgreining frá 3M. Í hverju landi fyrir sig kunna að vera í gildi aðrar takmarkanir
hvað varðar súrefnisskort. Leitið ráða ef vafi leikur á málum).
• Notið aðeins með varahlutum og fylgihlutum sem taldir eru upp í
sérleiðbeiningum og innan þeirra notkunarskilyrða sem fram koma í
tækniforskriftinni .
• Notist aðeins af þjálfuðu og hæfu starfsfólki.
• Yfirgefið mengaða svæðið umsvifalaust ef:
a) Einhver hluti kerfisins skemmist,
b) Loftflæði inn í hjálminn minnkar eða stöðvast.
c) Erfitt verður að anda,
d) Vart verður við svima eða önnur óþægindi,
e) Vart verður við lykt eða bragð af aðskotaefnum eða ertingu.
• Ekki má breyta þessari vöru. Notið aðeins upprunalega varahluti frá 3M við
viðgerðir.
• Mikill vindur, yfir 2 m/sek., eða mjög mikið álag (þar sem þrýstingurinn innan í
andlitsgrímunni getur orðið neikvæður) kann að draga úr varnareiginleikum.
• Stillið búnaðinn eftir þörfum eða notið öndunarbúnað af öðru tagi.
^
Notið ekki yfir skegg eða annað andlitshár sem gæti hamlað snertingu á
milli andlits og vörunnar og þannig komið í veg fyrir góða þéttingu .
• Notið aldrei þennan hjálm ef hann er sprunginn eða með skurði. Ávallt skal
skipta um hjálm sem fengið hefur högg, jafnvel þótt skemmdir séu ekki
sjáanlegar.
• Setjið ekki málningu, leysiefni, límefni eða sjálflímandi merkimiða á hjálminn. Ef
nauðsynlegt reynist að festa eitthvað eða líma á hjálminn skal aðeins nota
gúmmí- eða akrýllímefni.
• Bein snerting við úða, vökva eða önnur efni sem innihalda leysiefni og/eða
alkóhól getur skert endingu hjálmsins og því ætti að forðast notkun þeirra.
• Notið þessar vörur ekki í eldfimu andrúmslofti eða á sprengihættustöðum.
• Notist ekki ef umhverfishiti er yfir ráðlögðum hámarkshita. Veljið og notið
viðeigandi vörn nálægt neistum og/eða logum.
• Notið einungis með gleraugum sem mælt er með. Ef öryggisgleraugu sem
verja gegn ögnum á miklum hraða eru notuð yfir venjulegum gleraugum kunna
venjulegu gleraugun að taka við og leiða áfram högg sem skapar notandanum
hættu. Hafið samband við söluaðila.
• Þegar tryggja þarf vernd gegn ögnum á miklum hraða við mjög hátt/lágt hitastig
skulu valin hlífðargleraugu vera merkt með bókstafnum T strax á eftir bókstafnum
sem táknar höggorku, þ.e. FT, BT eða AT.
• Þessar vörur innihalda ekki íhluti sem gerðir eru úr náttúrulegu gúmmílatexi.
• Efni sem geta komist í snertingu við húð notenda munu ekki valda
ofnæmisviðbrögðum nema hjá minnihluta notenda.
Örugg notkun hleðslutækja
Til að draga úr áhættu sem fylgir hættulegri spennu sem getur valdið alvarlegum
meiðslum eða dauða ef ekki eru gerðar viðeigandi ráðstafanir:
- Ekki nota hleðslutækin utandyra í blautu umhverfi.
- Reynið ekki að lagfæra hleðslutækin. Inni í tækinu eru engir íhlutir sem notandi
getur gert við eða sinnt viðhaldi á.
- Skoðið hleðslutækin og rafmagnssnúrur fyrir notkun. Skiptið um skemmda hluti.
- Skiptið ekki út, breytið eða bætið hlutum við hleðslutækin.
MERKINGAR Á BÚNAÐI
AS-300 hjálmurinn er merktur í samræmi við EN12941 TH1.
Hjálmgrímurnar eru merktar í samræmi við EN166:2001.
Umgjörð hjálmgrímunnar er merkt í samræmi við EN166 3:9:B.
3M™ AS-361 hjálmgríman er merkt í samræmi við EN166 2:B:3:9.
3M™ aðalsían (060-23-04P) er merkt í samræmi við EN12941 TH1 P R S –
„Eingöngu til notkunar gegn úðaefni í föstu formi og vatnsblönduðu úðaefni“.
3M™ aðalkolasían (060-23-11P) er merkt í samræmi við EN12941 TH1 P R S –
„Eingöngu til notkunar gegn úðaefni í föstu formi og vatnsblönduðu úðaefni“.
Hjálmurinn er merktur í samræmi við EN397:2012 og með
framleiðsludagsetningu.
Rafhlaðan er merkt í samræmi við EN12941 og með framleiðsludagsetningu.
3M™ AS-362 hjálmgríman er merkt í samræmi við EN166 2:F:3.
UNDIRBÚNINGUR FYRIR NOTKUN
Gangið úr skugga um að búnaðurinn sé heill, óskaddaður og rétt settur saman.
Ef einhverjir hlutar hans reynast skemmdir eða gallaðir verður að endurnýja þá
með upprunalegum 3M-varahlutum fyrir notkun.
Veljið rafhlöðu af samþykktri gerð. Lista yfir samþykktar rafhlöðugerðir fyrir 3M er
að finna í sérleiðbeiningum.
Stilling hjálmsins
Hægt er að stilla hjálminn til að tryggja hámarksþéttingu að andliti og besta
mögulega útsýni.
Stillið hnakkaólina þannig að hún passi rétt á höfuð notandans (mynd 1).
Hæð höfuðsins og jafnvægi höfuðstykkisins er hægt að stilla á fjórum stöðum
(mynd 2). Hægt er að stilla hvern stað sjálfstætt til að tryggja að hjálmurinn passi
mismunandi höfuðlagi.
Rafhlaða
Hlaða skal rafhlöðuna fyrir fyrstu notkun (sjá „Viðhald“).
Notið aðeins hleðslutæki sem mælt er með (sjá sérleiðbeiningar fyrir viðeigandi
hleðslutæki).
Tengið rafhlöðuna við kerfið eins og sýnt er á mynd 3. Gangið úr skugga um að
tengi séu hrein og engin aðskotaefni til staðar áður en þau eru tengd. Þurrkið af
þeim með hreinum og þurrum klút fyrir notkun, ef með þarf.
Forsíur
Takið lokið af forsíuhúsinu og setjið forsíuna í (mynd 4)
Síur
Veljið samþykkta gerð síu (sjá lista yfir samþykktar síur fyrir 3M í
sérleiðbeiningum).
Skoðið síuna fyrir hverja notkun og skiptið strax um hana ef hún er skemmd.
Upplýsingar um síuskipti eru á mynd 5.
Setjið síuna og forsíuna alltaf í hjálminn með réttum hætti.
Prófun á loftflæði
Framkvæmið prófun á loftflæði fyrir notkun með því að nota loftflæðisvísinn
(mynd 6).
1. Kveikið á öndunarhlífakerfinu og snúið hjálminum á hvolf.
2. Fjarlægið forsíuna (sjá mynd 4) og setjið loftstreymisvísinn yfir ristina á
mótorhúsinu.
3. Snúið hjálminum rétt.
Ef loftstreymisvísirinn hreyfist ekki er loftstreymið viðunandi.
Ef vísirinn fellur niður er loftstreymið of lítið. Sjá bilanaleit.
NOTKUNARLEIÐBEININGAR
BÚNAÐUR SETTUR Á NOTANDA
1. Tryggið að hjálmgríman sé í reistri stöðu og passi á höfuðstykkið. Tryggið að
höfuðstykkið falli þétt að án óþæginda. Stillið höfuðstykkið, ef með þarf, eins og
lýst var hér á undan.
2. Festið rafhlöðupakkann á belti eða setjið hann í vasa.
3. Kveikið á öndunarhlífakerfinu.
4. Takið um andlitsþéttinn og togið hjálmgrímuna niður. Festið andlitsþéttinn undir
hökuna um leið. Gangið úr skugga um að festihnappur hjálmgrímunnar sé fastur.
Athugið hvort andlitsþéttirinn falli rétt að andlitinu allan hringinn og fyrir aftan
höfuð.