Briggs & Stratton 080000 страница 231 Скачать руководство пользователя

Страница: 231 / 272

Not for

Reproduction

231

Kur ndërroni vajin

• Nëse e kulloni vajin nga tubi i sipërm i mbushjes me vaj, serbatori i vajit duhet të

jetë bosh pasi ndryshe mund të rrjedhë vaj dhe të shkaktojë zjarr ose shpërthim.

Kur e anoni njësinë për mirëmbajtje

• Kur bëni punë mirëmbajtjeje që kërkon që njësia të anohet, serbatori i karburantit,

nëse është i montuar në motor, duhet të jetë bosh ose ndryshe mund të derdhet

karburant dhe të shkaktojë zjarr ose shpërthim.

Kur transportoni pajisjen

• Transportojeni me serbatorin BOSH ose me valvulën e mbylljes në pozicionin

MBYLLUR.

Kur Magazinoni Karburantin Ose Pajisjen Me Karburant Në Serbator

• Mbajeni larg nga furrat, sobat, ngrohëset e ujit ose pajisje të tjera që kanë drita

pilot apo burime të tjera ndezjeje pasi ato mund të ndezin avujt e karburantit.

PARALAJMERIM

Ndezja e motorit shkakton shkëndija.
Shkëndijat mund të ndezin gazrat pranë.
Mund të shkaktohet shpërthim ose zjarr.

• Nëse ka rrjedhje gazi natyror ose LP në vend, mos e ndizni motorin.
• Mos përdorni lëngje ndezjeje me presion pasi avujt janë të djegshëm.

PARALAJMERIM

RREZIK GAZI HELMUES. Gazet e shkarkimit të motorit përmbajnë monoksid

karboni, një gaz helmues që mund t'ju vrasë brenda pak minutash. NUK MUND

ta shikoni, nuhasni apo ndieni. Edhe nëse nuk e ndieni aromën e tymrave të

shkarkimit, përsëri mund të ekspozoheni ndaj gazit të monoksidit të karbonit.

Nëse fillon t’ju përzihet, ju merren mend apo ndiheni pa fuqi kur përdorni këtë

produkt, dilni në ajër të freskët MENJËHERË. Shkoni te një mjek. Mund të jeni

helmuar nga monoksidi i karbonit.

• Përdoreni këtë produkt VETËM jashtë, larg nga dritaret, dyert dhe tubacionet e

ajrimit për të pakësuar rrezikun e grumbullimit të gazit të monoksidit të karbonit

dhe futjen e tij drejt hapësirave me njerëz.

• Vendosni alarme me bateri për monoksidin e karbonit ose lidhni alarme për

monoksid karboni me bateri rezervë sipas udhëzimeve të prodhuesit. Alarmet e

tymit nuk mund ta zbulojnë gazin e monoksidit të karbonit.

• MOS e vini këtë produkt në punë brenda shtëpive, garazheve, bodrumeve,

hapësirave të kalimit, hangareve ose hapësirave të tjera pjesërisht të mbyllura

edhe nëse përdorni ventilatorë ose hapni dyert apo dritaret për ajrim. Monoksidi i

karbonit mund të grumbullohet shpejt në këto hapësira dhe të qëndrojë për orë të

tëra edhe pasi të jetë fikur produkti.

• GJITHMONË vendoseni këtë produkt në drejtim të erës dhe shkarkimin e motorit

larg nga hapësirat me njerëz.

PARALAJMERIM

Tërheqja e shpejtë e kabllos së ndezësit (goditja e kthimit) do ta tërheqë dorën

dhe krahun drejt motorit më shpejt se sa mund ta lëshoni atë.
Mund të shkaktohen thyerje kockash, fraktura, mavijosje ose ndrydhje.

• Kur ndizni motorin, tërhiqeni kordonin e nisjes me ngadalë derisa të ndjeni

rezistencë dhe pastaj tërhiqeni shpejt për të shmangur goditjen mbrapsht.

• Hiqni të gjitha pajisjet e jashtme / ngarkesat e motorit para se ta ndizni motorin.
• Komponentët e pajisjes me bashkim direkt të tilla si, por jo vetëm, thikat, helikat,

pulexhot, ingranazhet, etj., duhet të shtrëngohen mirë.

PARALAJMERIM

Pjesët rrotulluese mund të bien në kontakt ose të kapin duart, këmbët, flokët,

rrobat ose aksesorët.
Mund të shkaktohet amputim traumatik ose çarje të rënda.

• Përdoreni pajisjen me mbrojtëset në vend.
• Mbajini duart dhe këmbët larg nga pjesët rrotulluese.
• Lidhini flokët e gjata dhe hiqni bizhuteritë.
• Mos vishni rroba të lira, lidhëse që varen ose gjëra që mund të kapen.

PARALAJMERIM

Motori në punë çliron nxehtësi. Pjesët e motorit, veçanërisht marmita, bëhen

shumë të nxehta.
Mund të ndodhin djegie termike të rënda nëse bien në kontakt.
Mbetjet e djegshme, si gjethet, bari, fijet etj. mund të marrin flakë.

• Lëreni motorin, cilindrin e motorit dhe fletët të ftohen para se t'i prekni.
• Hiqini mbetjet e grumbulluara nga pjesa e marmitës dhe pjesa e cilindrit.
• Është shkelje e Kodit të Burimit Publik të Kalifornisë, Pjesa 4442 që të përdoret

motori në çdo terren të mbuluar me pyll, shkurre ose bar përveç nëse sistemi

i shkarkimit është i pajisur me frenues shkëndijash, siç përcaktohet në Pjesën

4442, i mirëmbajtur në gjendje të efektshme. Shtetet ose juridiksionet federale të

tjera mund të kenë ligje të ngjashme. Kontaktoni prodhuesin, shitësin e pakicës

ose ofruesin për të marrë një frenues shkëndijash që është bërë për sistemin e

shkarkimit të montuar në këtë motor.

PARALAJMERIM

Shkëndijat e papritura mund të shkaktojnë zjarr ose goditje elektrike.
Ndezja e paqëllimshme mund të çojë në kapje, amputim traumatik ose çarje.
Rrezik zjarri

Para se të kryeni rregullimet ose riparimet:

• Shkëputeni telin e kandeles dhe mbajeni larg nga kandelja.
• Shkëputeni baterinë në polin negativ (vetëm motorët me ndezje elektrike).
• Përdorni vetëm mjetet e duhura.
• Mos e ngacmoni sustën drejtuese, lidhjet ose pjesët e tjera për të rritur shpejtësinë

e motorit.

• Pjesët e këmbimit duhet të jenë me të njëjtin projektim dhe të montohen në të

njëjtin pozicion si pjesët rigjinale. Pjesët e tjera mund të mos punojnë mirë, mund

ta dëmtojnë njësinë dhe mund të shkaktojnë dëmtime.

• Mos e goditni volantin me çekiç ose objekt të fortë pasi volanti mund të thyhet më

vonë gjatë funksionimit.

Kur testoni për shkëndija:

• Përdorni një testues kandeleje të miratuar.
• Mos kontrolloni për shkëndija me kandelen të hequr.

Veçoritë dhe kontrollet

Kontrollet e motorit

Krahasoni ilustrimin (Figura: 1, 2, 3, 4, 5) me motorin për t'u njohur me vendndodhjen e

veçorive dhe kontrolleve të ndryshme.