optrel neo p550, Quick Start Manual

Page: 39 / 44

39
Réamhrá
Píosa ceannbhirt speisialta is ea clogad táthúcháin, a úsáidtear nuair a thugtar faoi chineálacha áirithe oibre
táthúcháin chun na súile, an aghaidh agus an muineál a chosaint in aghaidh solas infheicthe, solas ultraivialait,
solas infridhearg, spréacha, agus teas ón stua táthúcháin. Tá roinnt páirteanna sa chlogad (féach liosta na
bpáirteanna spártha). Tá sa scagaire uathoibríoch táthúcháin scagaire éighníomhach ultraivialait agus scagaire
éighníomhach infridhearg, mar aon le scagaire gníomhach a n-athraíonn a tharchuras solais sa raon infheicthe
den speictream de réir dhéine an tsolais sa stua táthúcháin. Bíonn tarchuras solais an scagaire uathoibríoch
táthúcháin ard (an staid gheal) ar dtús. Tar éis lasadh an stua táthúcháin, agus laistigh d’aga sonraithe lasctha,
athraíonn comhéifeacht tarchuir solais an scagaire chuig luach íseal (an staid dhorcha). Ag brath ar an múnla, is
féidir an clogad a úsáid le clogad sábháilteachta.
Treoracha Sábháilteachta
Léigh an lámhleabhar sula n-úsáidfidh tú an clogad. Déan cinnte de go bhfuil an críochnaitheoir suite i gceart. Mura
féidir fabhtanna a réiteach, caithfear éirí as an gcaiséad frithdhallraithe a úsáid láithreach bonn.
Réamhchúraimí agus Srianta/Rioscaí
Le linn an phróisis táthúcháin scaoiltear teas agus radaíocht, rudaí a d’fhéadfadh a bheith ina gcúis le gortuithe
súile agus craicinn. Tugann an táirge seo cosaint do na súile agus don aghaidh. Cosnaítear do shúile go buan in
aghaidh radaíocht ultraivialait agus infridhearg nuair atá an clogad á chaitheamh agat, beag beann ar an leibhéal
cosanta atá roghnaithe. Caithfear éadaí cosanta cuí a chaitheamh freisin leis an gcuid eile de do chorp a chosaint.
Cáithníní agus substaintí a scaoiltear le linn an phróisis táthúcháin, is féidir leo bheith ina gcúis le frithghníomhuithe
ailléirgeacha craicinn i ndaoine a bhíonn tugtha dá leithéid. I gcás daoine a bhfuil craiceann bog acu, d’fhéadfadh
teagmháil idir an craiceann agus an cheannpháirt a bheith ina cúis le frithghníomhuithe ailléirgeacha.
Ní ceadmhach an clogad táthúcháin a úsáid ach amháin le haghaidh feidhmeanna táthúcháin agus meilte agus
ní le haghaidh aon fheidhmeanna eile. Má úsáidtear an clogad táthúcháin chun aon chríche eile, nó má dhéantar
neamhaird de na treoracha oibriúcháin, ní ghlacfaidh an monaróir le haon dliteanas as sin. Tá an clogad oiriúnach
do gach gnáthphróiseas táthúcháin, seachas táthúchán gáis agus léasair . Tabhair faoi deara an leibhéal
cosanta a mholtar de réir EN169 ar an gcumhdach. Caithfear pánaí lochtacha a athsholáthar. Ní thagann an
clogad in ionad clogad sábháilteachta. Ag brath ar an múnla, is féidir an clogad a úsáid le clogad sábháilteachta.
Mar gheall ar shonraíochtaí an dearaidh, féadann an clogad dul i bhfeidhm ar an réimse radhairc (ní féidir an réimse
cliathánach radhairc a fheiceáil ach amháin má chastar an ceann) agus cur isteach ar aireachtáil dathanna de bharr
tarchur solais an scagaire uathoibríoch maolaithe. D’fhéadfadh sé nach mbeadh soilse comhartha ná táscairí
rabhaidh infheicthe mar thoradh air sin. Ina theannta sin, tá baol tuairte ann de bharr go bhfuil an imlíne níos mó
(ceann agus an clogad air). Nuair a chaitear an clogad, laghdaítear an aireachtáil fuaime agus theirmeach freisin.
Mód Codlata
Tá feidhm múchta uathoibríoch ag an gcaiséad frithdhallraithe, a mhéadaíonn saolré an chadhnra. Má bhíonn
níos lú ná 1 lucsa de sholas ag teacht isteach sa chaiséad frithdhallraithe ar feadh thart ar 10 nóiméad, múchtar
an caiséad frithdhallraithe go huathoibríoch. Leis an gcaiséad a chur ar siúl arís, caithfear na cealla fótavoltacha
a nochtadh do sholas an lae. Más rud é nach féidir an caiséad frithdhallraithe a ghníomhachtú a thuilleadh nó nach
n-éiríonn sé dorcha nuair a lastar an stua táthúcháin, ní mór cadhnraí nua a chur isteach ann.
Baránta agus Dliteanas
Is i dtreoracha na heagraíochta díolacháin náisiúnta de chuid an mhonaróra a fhaightear na coinníollacha baránta.
Le tuilleadh eolais a fháil, déan teagmháil leis an miondíoltóir oifigiúil. Ní thugtar baránta ach i dtaca le lochtanna
ábhair agus monaraíochta. I gcás damáiste a dhéanfar mar thoradh ar úsáid mhíchuí, nó idirghabháil nó úsáid
neamhúdaraithe nach ndéanann an monaróir foráil dóibh, beidh an baránta agus an dliteanas ar neamhní.
Beidh an dliteanas agus an baránta ar neamhní chomh maith má úsáidtear páirteanna spártha seachas na cinn
a ndíolann an monaróir iad.
Saolré ionchais seirbhíse
Níl dáta deiridh ré ag baint leis an gclogad táthúcháin. Is féidir an táirge a úsáid chomh fada agus nach bhfuil aon
damáiste déanta dó, cibé infheicthe nó dofheicthe, agus nach dtarlaíonn aon mífheidhmeanna.
Feidhmiú (Treoir Mhearthosaithe)
1. Strapa cinn. Coigeartaigh an strapa uachtarach coigeartaithe (lch. 4) le go mbeadh sé in oiriúint do mhéad
do chinn. Brúigh an cnaipe raicíneach isteach (lch. 4) agus cas é go dtí go n-oiriúnóidh an ceannbheart i
gceart, ar chuntar nach gcuireann brú ar do cheann.
2. Fad súl agus claonadh an chlogaid.
Scaoil na cnaipí glasála (lgh. 4) leis an bhfad idir an caiséad agus na
súile a choigeartú. Coigeartaigh an dá thaobh go cothrom agus déan iarracht a chinntiú nach bhfuil sé claonta.
Ansin teann na cnaipí glasála arís. Is féidir claonadh an chlogaid a choigeartú ach an cnaipe a chasadh (lch.
5).
3. Leibhéal cosanta. Is féidir socrú an leibhéil cosanta a choigeartú de láimh ach an cnaipe poitéinsiméadair
(lgh. 8) a chasadh. Is féidir é a roghnú sna raonta SL 9 go SL 13.
4. Íogaireacht. Úsáid an cnaipe íogaireachta (lch. 8) leis an íogaireacht ar sholas comhthimpeallach a choig
eartú. -
5. Rialaitheoir ama oscailte. Cuireann an rialaitheoir ama oscailte (Moill) (lch. 8) ar do chumas an mhoill
ama oscailte ó gheal go dorcha a roghnú. Is féidir an cnaipe rothlach a úsáid leis an socrú a choigeartú go
leanúnach ó dhorcha go solas idir 0.05 - 1.0 s.
Glanadh agus díghalrú
Caithfear an caiséad frithdhallraithe agus an críochnaitheoir a ghlanadh go rialta le héadach bog. Ná húsáid
oibreáin ghlantacháin, tuaslagóirí, alcól ná oibreáin glantacháin a bhfuil scrábaigh iontu. Ba chóir lionsaí nua a
chur in ionad lionsaí scríobtha nó damáistithe.
Stóráil
Ní mór an clogad táthúcháin a stóráil ag teocht an tseomra agus ar íseal taise. Le saolré na gcadhnraí a shíneadh,
stóráil an clogad sa phacáistíocht bhunaidh.
Críochnaitheoir nua a fheistiú (lgh. 4-5)
1. Coinnigh sciathán an lionsa clúdaigh tosaigh
2. Brúigh an lionsa in aghaidh an taobh eile den fhráma gabhála
3. Bain an taobh lionsa
4. Coinnigh sciathán an lionsa clúdaigh tosaigh nua
5. Brúigh an lionsa in aghaidh an taobh eile den fhráma gabhála
6. Cuir an lionsa isteach sa sealbhóir
Cadhnraí nua a chur isteach (lch. 5)
Na cadhnraí litiam in-athsholáthraithe atá sa chaiséad frithdhallraithe, is cealla cnaipe CR2032 iad.
Caithfear na cadhnraí nua a chur isteach nuair atá an LED ar an gcaiséad ag splancáil i ndath glas.
1. Bain clúdach ceallraí go cúramach
2. Bain cadhnraí a bhaint agus a dhiúscairt de réir na rialachán náisiúnta maidir le dramhaíl speisialta
3. Úsáid cadhnraí cineál CR2032 mar a léirítear
4. Cúlchiste ceallraí a athbhunú go cúramach
Mura n-éiríonn an caiséad frithdhallraithe dorcha nuair a lastar an stua táthúcháin, seiceáil polaraíocht
na gcadhnraí. Lena sheiceáil go bhfuil go leor fuinnimh fós fágtha sna cadhnraí, tabhair an caiséad
frithdhallraithe gar do lampa geal. Má thosaíonn an LED ag splancáil i ndath glas, níl go leor cumhachta
fágtha sna cadhnraí agus caithfear cinn nua a chur ina n-ionad láithreach bonn. Mura bhfeidhmíonn an
caiséad frithdhallraithe i gceart fiú tar éis cadhnraí nua a chur isteach ann, ní féidir é a úsáid a thuilleadh
agus caithfear ceann nua a fháil.
An caiséad frithdhallraithe a bhaint/a fheistiú (lch. 6)
1. Déan an cnó potentioméadair a shárú mar a léirítear agus cothaigh sé
2. Earraigh a choinneáil ar an earrach mar a thaispeántar
3. Déan an datha amach go cúramach
Déantar an caiséad frithdhallraithe a fheistiú ach na céimeanna a leanúint ina malairt d’ord.
Fabhtcheartú
Teipeann ar an gcaiséad frithdhallraithe dorchú
→ Coigeartaigh an íogaireacht
→ Glan na braiteoirí nó an críochnaitheoir
→ Seiceáil an sreabhadh solais chuig an mbraiteoir
→ Cuir cadhnraí nua isteach
Tá an leibhéal cosanta rógheal
→Socraigh leibhéal cosanta níos airde nó úsáid lionsaí daite istigh
Tá an leibhéal cosanta ródhorcha
→Roghnaigh leibhéal cosanta níos ísle
→Glan an críochnaitheoir nó faigh ceann nua
Bíonn an caiséad frithdhallraithe ag preabarnach
→ Ceartaigh suíomh an rialaitheora ama oscailte le haghaidh an phróisis táthúcháin
→ Cuir cadhnraí nua isteach
Drochléargas
→ Méadaigh leibhéal an tsolais thimpeallaigh
→ Cuir an leibhéal cosanta in oiriúint don phróiseas táthúcháin
Sleamhnaíonn an clogad táthúcháin
→ Coigeartaigh/teann an strapa cinn arís
Sonraíochtaí
(Faoi réir athruithe teicniúla)
Leibhéal cosanta SL4 (staid gheal) SL9 – SL13 (staid dhorcha)
Cosaint UV/ID Uaschosaint i ndálaí geala agus dorcha
Aga lasctha ó gheal go dorcha 0.1ms (23°C / 73°F) 0.1ms (55°C / 131°F)
Aga lasctha ó dhorcha go geal 0.05- 1.0s
Toisí an chaiséid frithdhallraithe 90 x 110 x 7mm / 3,55 x4,33 x 0,28“
Toisí an réimse radhairc 50 x 100mm / 1,97 x 3,94“
Soláthar voltais Cealla fótavoltacha, 2 cheann Cadhnraí LI, 3V, in-
athsholáthraithe (CR2032)
Meáchan 495 g/17.4 oz
Teocht oibriúcháin -10°C – 70°C / 14°F – 157°F
Teocht stórála -20°C – 80°C / -4°F – 176°F
Aicmiú de réir EN379 Aicme optúil = 1 Solas scaipthe = 1
Aonchineálacht = 1 Spleáchas ar an réimse radhairc = 2
Ceaduithe CE, ANSI, in oiriúint le CSA
Páirteanna spártha (Leathanaigh 6-7)
- Clogad gan chaiséad
- Caiséad frithdhallraithe lena n-áirítear satailít
- Críochnaitheoir
- Tacar deisiúcháin 2 (fáiscíní taoibh)
- Lionsa inmheánach cosanta
- Tacar deisiúcháin 1 (Cnaipe “íogaireachta”, cnaipe poitéinsiméadair agus clúdach cadhnra)
- Strapa cinn agus glas
- Bandaí allais
Dearbhú Comhréireachta
Féach an seoladh Idirlín ar an leathanach deiridh.
Faisnéis Dlí
Comhlíonann an doiciméad seo ceanglais Rialachán 2016/425 ón AE, Uimh. 1.4 d'Iarscríbhinn II.
An Comhlacht ar Tugadh Fógra dó
Le mionsonraí a fháil, féach an leathanach deiridh.
GAEILGE