Gorenje ICE2000SP, Instruction Manual, Page: 130 / 138

130
Во врска со плочата
Никогаш не допирајте ја површината на апаратите за затоплување или
за готвење. Тие се вжештуваат додека работат. Децата држете ги на
безбедно растојание. Постои ризик од изгореници!

Никогаш не оставајте ја плочата да работи без ничие присуство, затоа што
кога работи со најголема (максимална) јачина, тоа резултира со екстремно
брзи реакции.

Секогаш ставајте го и користете го апаратот на сува, стабилна и хоризонтална
површина и на растојание од 10 цм од околните предмети.

Кога готвите, обрнете внимание на брзината со која се загреваат плочите. Не
дозволувајте целата течност да зоврие и да испари од садовите за готвење,
зашто постои ризик садот да се прегрее!

Не ставајте празни лонци и тави на плочи за готвење кои се вклучени.

Внимавајте кога јадењата ги приготвувате со крчкање, зашто водата може
незабележано да испари, што ќе ги оштети садот за готвење и плочата, а за тоа
не се прифаќа одговорност.

Од суштинска важност е плочата за готвење да се исклучи по употреба.

Прегреаните масти и масла може да се запалат самите од себе. Секогаш
надзирајте го приготвувањето храна со масти и масла. Никогаш не гаснете
запалени масти и масла со вода! Ставете го капакот на садот за готвење и
исклучете ја ринглата.

Стакло-керамичката површина на плочата е многу дебела. Сепак, треба да
избегнувате да испуштате тврди предмети на стакло-кермичката плоча. Остри
предмети што паѓаат на плочата може да ја искршат.

Доколку на вашата стакло-керамичка плоча се појават пукнатини, напрснати
места или други дефекти, веднаш исклучете го апаратот. Веднаш исклучете го
осигурувачот и повикајте сервисер.

Доколку плочата не може да се исклучи поради дефект на контролните сензори,
веднаш исклучете го апаратот и повикајте сервисер.

Внимавајте кога работите со апарати за домашна употреба! Приклучните кабли
не смеат да дојдат во контакт со плочите за готвење.

Стакло-керамичката плоча не треба да се користи како место за чување
предмети.

Не ставајте алуминиумска фолија или пластика на плочите за готвење. Се што
може да се стопи, како пластика, фолија и особено шеќер или храна што содржи
шеќер треба да се држи настрана од плочите за готвење. Со помош на
специјална стругалка, веднаш отстранете го шеќерот од керамичката плоча
(додека е се уште жешка), за да не ја оштетите плочата.