T-Mobile T Phone Pro 2023, User Manual

Page: 52 / 90

22
9 Siguria dhe informacioni rregullator .............................
Lexoni me kujdes këtë kapitull përpara përdorimit të pajisjes suaj celulare.
Siguria dhe përdorimi
Prodhuesi hedh poshtë çdo përgjegjësi për çdo dëm, që mund të shkaktohet si pasojë e përdorimit të
papërshtatshëm ose e përdorimit në kundërshtim me instruksionet e përfshira këtu. Përdorimi i pajisjeve të lidhura
u nënshtrohet kushteve të përgjithshme të caktuara nga T-Mobile.
Siguria në trafik
Respektoni gjithmonë ligjet dhe rregulloret lokale që trajtojnë përdorimin e pajisjeve celulare me valë dhe të
aksesorëve të tyre në vendet ku jeni duke drejtuar mjetin. Përdorimi i pajisjeve celulare gjatë drejtimit të mjetit
mund të jetë i ndaluar ose i kufizuar në disa vende.
Kushtet e përdorimit
Mos harroni të zbatoni rregullat e autoriteteve lokale për përdorimin e pajisjeve celulare në mjete fluturuese.
Paralajmërimet e përdorimit
Përdorni pajisjen tuaj celulare vetëm në përputhje me ligjet dhe rregulloret lokale dhe zbatoni të gjitha njoftimet e
publikuara në vendet publike.
Lexoni dhe ndiqni udhëzimet nga prodhuesi i pajisjes suaj mjekësore të implantueshme. Nëse keni pyetje rreth
përdorimit të pajisjes celulare me pajisjen tuaj mjekësore të implantueshme, konsultohuni me ofruesin e kujdesit
shëndetësor.
• Rekomandohet që të mbikëqyrni në mënyrën e duhur fëmijët e vegjël kur përdorin pajisjen tuaj celulare.
• Mos tentoni të zbërtheni pajisjen celulare. Nëse e zbërtheni pajisjen tuaj celulare, garancia do të bëhet e
pavlefshme.
• Gjithmonë trajtojeni pajisjen celulare me kujdes dhe mbajeni atë në vend të pastër e pa pluhur.
• Mos lejoni ekspozimin e pajisjes celulare në kushte moti ose kushte mjedisi të pafavorshme (lagështi, shi,
depërtim i lëngjeve, pluhur, ajër deti etj.). Intervali i temperaturës së funksionimit i rekomanduar nga prodhuesi
është 0°C (32°F) deri në +40°C (104°F)
• Shënim: Vlera maksimale varet nga gjendja e pajisjes, materialet përreth saj dhe boja e kasës dhe tekstura.
• Në temperatura mbi 40°C (104°F), aftësia e leximit të ekranit të pajisjes celulare mund të keqësohet, por
megjithatë kjo është e përkohshme dhe jo serioze.
• Mos hapni ose mos tentoni të lyeni ose të riparoni pajisjen celulare.
• Mos e lëshoni në tokë, mos e hidhni ose mos provoni ta përkulni pajisjen celulare.
• Mos e përdorni pajisjen celulare nëse ekrani është dëmtuar, krisur apo thyer, për të shmangur çdo lëndim.
• Përdorni vetëm bateri, karikues baterish dhe aksesorë që rekomandohen nga prodhuesi i pajisjes dhe filialet e
tij, si dhe që përputhen me modelin e pajisjes suaj celulare. Prodhuesi i pajisjes dhe filialet e tij hedhin poshtë
çdo përgjegjësi për dëmet e shkaktuara nga përdorimi i baterive ose i karikuesve të tjerë.
Kontrolloni rregulloret dhe ligjet lokale të juridiksionit tuaj për të mësuar sesi të asgjësoni në mënyrën më të mirë
pajisjen tuaj celulare.