E-FLOR HEA 710, Instructions For Use Manual, Page: 35 / 169

34
5. Shërbimi
a. Aparati duhet të riparohet vetëm nga personeli i kualifikuar dhe vetëm me
përdorim të pjesëve origjinale. Me këtë garantohet ruajtja e sigurisë së pajisjes.
b. Për pajisjet elektrike me tipin e lidhjes Y: nëse është e nevojshme të zëvendësoni
kabllin e lidhjes, këtë duhet ta merrni nga prodhuesi, për të shmangur cenimin e sigurisë.
c. Një pastrim i rregullt, mirëmbajtje dhe një grasim periodik zgjat jetëgjatësinë e
pajisjes elektrike.
6. Udhëzime të veçanta sigurie për sharrat elektrike me zinxhir
a. Gjatë kohës që sharra është në punë e sipër, mbani pjesët e trupit larg zinxhirit
sharrues. Sigurohuni që para se ta ndizni sharrën, zinxhiri sharrues të mos jetë
në lëvizje. Gjatë punës me një sharrë me zinxhir, një moment i pavëmendshëm
mund të shkaktojë kapjen e rrobave ose pjesëve të trupit nga zinxhiri sharrues.
b. Mbajeni sharrën me zinxhir gjithmonë me dorën e djathtë në dorezën e pasme
dhe me dorën e majtë në dorezën e parme. Mbajtja e sharrës me zinxhir në
pozicion të kundërt shton rrezikun e plagosjeve dhe nuk duhet të përdoret.
c. Mbani syze mbrojtëse dhe kufje mbrojtëse. Këshillohen gjithashtu edhe pajime
të tjera mbrojtëse për kokën, duart, gjunjët dhe këmbët. Veshjet e përshtatshme
mbrojtëse zvogëlojnë rrezikun e plagosjes si pasojë e fluturimit të ciflave dhe prekjes
së zinxhirit.
d. Mos punoni me sharrën me zinxhir mbi një pemë. Nëse punoni mbi një pemë ka
rrezik plagosjeje.
e. Bëni gjithmonë kujdes që sharra me zinxhir të qëndrojë mirë dhe përdoreni
atë vetëm nëse jeni mbi një vend të qëndrueshëm, të sigurt dhe të sheshtë.
Bazamenti i rrëshqitshëm ose sipërfaqet e paqëndrueshme si p.sh. mbi një shkallë, mund
të shkaktojnë humbjen e baraspeshës ose humbjen e kontrollit të sharrës me zinxhir.
f. Kur pritni një degë që është nën tension, bëni kujdes që të mos kthehet
mbrapsht. Nëse tensioni lirohet në ashklat e drurit, dega nën tension mund të prekë
përdoruesin dhe/ose të shkaktojë humbjen e kontrollit të sharrës me zinxhir.
g. Bëni kujdes të veçantë kur prisni shkurre dhe pemë të reja. Materiali i hollë mund
të kapet tek zinxhiri sharrues dhe të përplaset me të ose të bëjë që zinxhiri të humbasë
baraspeshën.
h. Kapeni sharrën me zinxhir nga doreza e përparme teksa është e fikur dhe me
zinxhirin sharrues larg nga trupi. Gjatë transportimit ose ruajtjes së sharrës me
zinxhir, vendosni gjithmonë mbulesën mbrojtëse. Përdorimi i kujdesshëm i sharrës
me zinxhir, redukton mundësinë e prekjes së pavullnetshme të zinxhirit sharrues.
i. Ndiqni udhëzimet për lubrifikimin, tendosjen e zinxhirit dhe zëvendësimin e
aksesorëve. Një zinxhir i tendosur ose i lubrifikuar jo siç duhet, mund të konsumohet
ose të shtojë rrezikun e kthimit mbrapsht.
BDA_E-FLOR_HEA_710.indd 34 07.11.16 13:18