Makita GA7070, Instruction Manual

Page: 31 / 120

31 SHQIP
3. Mbrojtësja duhet të lidhet në mënyrë të sigurt
me veglën elektrike dhe të pozicionohet për
siguri maksimale, në mënyrë që një pjesë
shumë e vogël e diskut të jetë e zbuluar nga
përdoruesi. Mbrojtësja ndihmon në ruajtjen
e përdoruesit nga copëzat e thyera të diskut,
kontakti aksidental me diskun dhe shkëndijat që
mund të ndezin rrobat.
4. Disqet duhet të përdoren vetëm për përdorimet
e rekomanduara. Për shembull: mos smeriloni
me anën e diskut prerës.
Disqet abrazive
prerëse janë synuar për smerilim anësor, forcat
anësore të ushtruara mbi këto disqe mund të
shkaktojnë thyerjen e tyre.
5. Gjithmonë përdorni flanxha disqesh të
padëmtuara të madhësisë dhe formës së
diskut të zgjedhur. Flanxhat e përshtatshme
të disqeve e mbështesin diskun duke reduktuar
mundësinë e thyerjes së saj. Flanxhat për disqet
e prerjes mund të jenë ndryshe nga flanxhat e
disqeve të smerilimit.
6. Mos përdorni disqe të konsumuara nga pajisje
më të mëdha elektrike. Disku i synuar për pajisje
më të mëdha elektrike nuk është i përshtatshëm
për shpejtësinë e madhe të pajisjes së vogël dhe
mund të plasë.
Paralajmërimet për sigurinë specifike gjatë
veprimeve të prerjes abrazive:
1. Mos e “bllokoni” diskun prerës ose mos
aplikoni presion të tepërt mbi të. Mos provoni
të kryeni prerje të thella. Ushtrimi i forcës së
tepërt mbi disk rrit ngarkesën dhe ndjeshmërinë
ndaj përdredhjeve ose kapjes së diskut gjatë
prerjes dhe mundësinë e kundërveprimit ose të
thyerjes së diskut.
2. Mos e poziciononi trupin tuaj në një linjë dhe
mbrapa diskut rrotullues. Kur disku, në pikën e
veprimit, po largohet nga trupi juaj, kundërveprimi
i mundshëm mund ta dërgojë diskun prerës dhe
veglën elektrike në drejtimin tuaj.
3. Kur disku kapet ose kur ndërprisni prerjen
për çdo lloj arsyeje, fikeni veglën elektrike
dhe mbajeni pa lëvizur derisa disku të ndalojë
plotësisht. Mos tentoni kurrë ta tërhiqni
diskun nga vendi i prerjes ndërsa disku është
duke lëvizur, përndryshe mund të ndodhë
kundërveprimi. Hetoni dhe ndërmerrni veprime
korrigjuese për të eliminuar ngecjen e diskut.
4. Mos e rifilloni procesin e prerjes në materialin
e punës. Lejoni diskun të arrijë shpejtësinë
maksimale dhe më pas rifilloni prerjen. Disku mund
të kapet, të shkojë lart ose të kundërveprojë nëse
vegla elektrike rindizet brenda materialit të punës.
5. Mbështetni panelet ose çdo material pune të
madh për të minimizuar rrezikun e bllokimit dhe
të kundërveprimit të diskut.
Materialet e mëdha
të punës kanë tendencë të përkulen nga pesha
e tyre. Mbështetëset duhet të vendosen poshtë
materialit të punës pranë vijës së prerjes dhe buzës
së materialit të punës nga të dyja anët e diskut.
6. Tregoni kujdes të veçantë kur të bëni një
“prerje në xhep” mbi muret ekzistuese ose në
zona të tjera me shikim të kufizuar. Disku i dalë
mund të presë tuba gazi ose uji, tela elektrikë ose
objekte që shkaktojnë kundërveprim.
Paralajmërimet për sigurinë specifike gjatë
veprimeve të smerilimit:
1. Mos përdorni një letër të madhe disku për smerilim.
Ndiqni rekomandimet e prodhuesve kur të
zgjidhni letrën smerile. Letra smerile më e madhe se
mbështetësja e rrotës krijon rrezik dëmtimi dhe mund të
shkaktojë ngecjen, thyerjen ose kundërveprimin e diskut.
Paralajmërimet për sigurinë specifike gjatë
veprimeve të fshirjes me tela:
1. Kini parasysh se qimet e forta të telit shkëputen nga furça
edhe gjatë funksioneve të zakonshme. Mos i sforconi telat
duke ushtruar forcë mbi furçën. Qimet e forta të telit mund
të depërtojnë në rrobat e holla dhe/ose në lëkurë.
2. Nëse rekomandohet përdorimi i mbrojtëses për fshirjen
me tela, mos lejoni ndërhyrje të diskut ose furçës së
telit te mbrojtësja.
Disku ose furça e telit mund të zgjerohet
në diametër nga ngarkesa e punës dhe forcat centrifugale.
Paralajmërime shtesë mbi sigurinë:
1. Kur të përdorni disqe lëmuese me qendër të
shtypur, sigurohuni të përdorni vetëm disqe të
përforcuara me fibër qelqi.
2. KURRË MOS PËRDORNI disqe të llojit Stone Cup
me këtë lëmues. Ky lëmues nuk është projektuar
për këto lloje disqesh dhe përdorimi i këtij produkti
mund të shkaktojë dëmtime personale.
3. Tregoni kujdes se mos dëmtoni boshtin,
flanxhën (sidomos sipërfaqen e instalueshme)
ose dadon e bllokimit. Dëmtimi i këtyre pjesëve
mund të shkaktojë thyerjen e diskut.
4. Sigurohuni që disku nuk e prek materialin e
punës përpara se të ndizet çelësi.
5. Përpara se të përdorni veglën mbi një material
aktual, lëreni të punojë për ca kohë. Tregoni kujdes
për dridhjet ose lëkundjet që dëshmojnë për një
instalim të gabuar ose një disk jo në ekuilibër.
6. Përdorni sipërfaqen e specifikuar të diskut për
të kryer lëmimin.
7. Mos e lini veglën të ndezur. Përdoreni veglën
vetëm duke e mbajtur në dorë.
8.
Mos e prekni materialin e punës menjëherë
pas punës; mund të jetë shumë i nxehtë dhe
mund t’ju djegë lëkurën.
9.
Mos i prekni aksesorët menjëherë pas punës; mund të
jenë shumë të nxehtë dhe mund t’ju djegin lëkurën.
10. Shihni udhëzimet e prodhuesit për montimin
dhe përdorimin e saktë të disqeve. Trajtojini
dhe ruajini disqet me kujdes.
11. Mos përdorni unaza zvogëluese ose reduktorë për
të përshtatur disqet abrazive me vrimë të madhe.
12. Përdorni vetëm flanxha specifike për këtë vegël.
13. Për veglat që do të punojnë me disqe që kanë
vrimë të filetuar, sigurohuni që fileta në disk të
jetë aq e gjatë sa të pranojë të gjithë boshtin.
14. Kontrolloni që materiali i punës është
mbështetur siç duhet.
15. Tregoni kujdes, sepse disku vazhdon
rrotullimin edhe pasi të jetë fikur vegla.
16. Nëse ambienti i punës është shumë i nxehtë
dhe me lagështirë ose i ndotur shumë me
pluhur të përçueshëm, përdorni një ndërprerës
qarku (30 mA) për të siguruar përdoruesin.
17. Mos e përdorni veglën mbi materiale që
përmbajnë asbest.