Makita DUR181Z, Instruction Manual

Page: 30 / 116

30 ALBANIAN
Pajisje për mbrojtje personale
► Fig.1
► Fig.2
1. Vishni rrobat e duhura. Rrobat që vishni duhet
të jenë funksionale dhe të përshtatshme, pra
duhet të jenë të ngjitura pas trupit, por jo aq sa
t’ju pengojnë. Mos mbani bizhuteri ose rroba
që mund të ngatërrohen me barin e lartë. Mbani
kapele mbrojtëse për të mbledhur flokët e gjatë.
2. Gjatë përdorimit të veglës, mbani gjithmonë këpucë
të forta me shuall që nuk rrëshqet. Kjo ju mbron
nga lëndimet dhe siguron një mbështetje të mirë.
3. Gjithmonë mbani veshje mbrojtëse për të mbrojtur
sytë nga lëndimi kur përdorni veglat elektrike.
Syzet mbrojtëse duhet të jenë në pajtim me
ANSI Z87.1 në SHBA, EN 166 në Evropë ose AS/
NZS 1336 në Australi/Zelandën e Re. Në Australi/
Zelandën e Re, ligji kërkon që të mbahet gjithashtu
edhe një mbrojtëse fytyre për të mbrojtur fytyrën.
Është përgjegjësi e punëdhënësit të detyrojë
përdorimin e pajisjeve të duhura mbrojtëse
për sigurinë nga punëtorët dhe nga personat e
tjerë që ndodhen pranë ambienteve të punës.
Siguria elektrike dhe e baterisë
1. Shmangni mjediset e rrezikshme. Mos e përdorni
veglën në vende të lagështa ose të lagura dhe
mos e ekspozoni ndaj shiut. Uji që hyn në vegël
mund të rrisë rrezikun e goditjeve elektrike.
2. Ngarkojeni vetëm me ngarkuesin e specifikuar
nga prodhuesi. Ngarkuesi që është i
përshtatshëm për një lloj pakete baterie mund
të shkaktojë rrezik zjarri kur përdoret me një
paketë tjetër baterie.
3. Përdorini veglat elektrike vetëm me paketat e
baterisë të përcaktuara në mënyrë specifike.
Përdorimi i paketave të tjera të baterisë mund
të paraqesë rrezik lëndimi dhe zjarri.
4. Kur paketa e baterisë nuk përdoret, mbajeni
larg nga objektet e tjera metalike, si kapëset e
letrave, monedhat, çelësat, gozhdët, vidat ose
objektet e tjera metalike të vogla që mund të
bëjnë lidhje nga njëri terminal tek tjetri. Krijimi
i lidhjes së shkurtër ndërmjet terminaleve të
baterisë mund të shkaktojë djegie ose zjarr.
5. Në kushte sforcimi mund të dalë lëng
nga bateria; shmangni kontaktin. Nëse
aksidentalisht ndodh kontakt, shpëlani me ujë.
Nëse lëngu bie në kontakt me sytë, kërkoni
ndihmën e mjekut. Lëngu i dalë nga bateria
mund të shkaktojë acarim ose djegie.
6. Mos e hidhni baterinë(të) në zjarr. Ajo mund
të shpërthejë. Kontrolloni kodet vendore për
udhëzime të mundshme të veçanta të hedhjes.
7. Mos e hapni dhe mos e shformoni baterinë(të).
Elektroliti i çliruar është gërryes dhe mund
të dëmtojë sytë ose lëkurën. Ai mund të jetë
toksik nëse gëlltitet.
8. Mos e karikoni baterinë në shi ose në vende të
lagura.
Ndezja e veglës
► Fig.3
1. Sigurohuni që të mos ketë fëmijë ose persona
të tjerë deri në 15 metra rreth vendit të punës
(50 ft), gjithashtu bëni kujdes që të mos ketë
kafshë në afërsi të vendit të punës. Në të
kundërt, ndaloni përdorimin e veglës.
2. Kontrolloni gjithmonë që vegla të jetë e sigurt
për përdorim para se ta përdorni. Kontrolloni
sigurinë e veglës prerëse, të mbrojtëses dhe
levës/këmbëzës së çelësit për veprim të lehtë
dhe të duhur. Kontrolloni që dorezat të jenë të
pastra dhe të thata dhe testoni funksionin e
ndezjes/fikjes të çelësit.
3.
Kontrolloni pjesët e dëmtuara përpara
përdorimit të mëtejshëm të veglës. Mbrojtësja
ose ndonjë pjesë tjetër që është dëmtuar duhet
të kontrollohet me kujdes për të përcaktuar
që punon siç duhet dhe kryen funksionin e
synuar. Kontrolloni bashkërenditjen e pjesëve
lëvizëse, lidhjen e pjesëve lëvizëse, prishjen e
pjesëve, montimin dhe ndonjë rrethanë tjetër
që mund të ndikojë në funksionimin e saj.
Mbrojtësja ose ndonjë pjesë tjetër e dëmtuar
duhet të riparohet siç duhet ose të ndërrohet
nga qendra jonë e autorizuar e shërbimit,
përveçse udhëzohet ndryshe diku tjetër në
manual.
4. Ndizni motorin vetëm kur t’i keni duart dhe
këmbët larg veglës prerëse.
5. Përpara se të nisni punën, sigurohuni që vegla
prerëse të mos jetë në kontakt me objekte
të forta si degë, gurë etj., përndryshe vegla
prerëse do të rrotullohet kur ta ndizni.
6. Sigurohuni që të mos ketë kabllo elektrike,
tuba uji, tuba gazi etj. që mund të shkaktojnë
rrezik nëse dëmtohen nga përdorimi i veglës.
Metoda e përdorimit
1. Mos e përdorni makinerinë me mbrojtëse të
dëmtuar ose pa mbrojtëse.
2. Përdoreni veglën vetëm në dritë dhe
shikueshmëri të mjaftueshme. Gjatë stinës së
dimrit bëni kujdes nga zonat e rrëshqitshme
ose të lagështa, akulli dhe dëbora (rrezik
rrëshqitjeje). Sigurohuni gjithmonë që keni
mbështetje të sigurt të këmbëve.
3. Bëni kujdes të mos lëndoni këmbët dhe duart
me veglën prerëse.
4. Mbajini duart dhe këmbët larg pjesëve prerëse
në çdo kohë dhe në veçanti kur ndizni motorin.
5. Mos prisni asnjëherë mbi lartësinë e belit.
6. Mos qëndroni asnjëherë në shkallë kur
përdorni veglën.
7. Mos punoni asnjëherë në sipërfaqe të
paqëndrueshme.