26
PARALAJMËRIM:
•
Për sigurinë tuaj, kjo vegël është e pajisur me një
levë bllokimi që parandalon ndezjen e pamenduar
të veglës. Mos e përdorni KURRË veglën nëse
ndizet thjesht kur tërhiqni këmbëzën e çelësit pa
shtypur levën e bllokimit. Kthejeni veglën te
qendra e shërbimit të MAKITA-s për riparimet e
duhura PËRPARA se ta përdorni më tej.
•
Mos e lidhni dhe as mos e parandaloni KURRË
qëllimin dhe funksionin e levës së bllokimit.
Ndezja e llambës
Vetëm për modelin DSS610
KUJDES:
•
Mos e shikoni direkt dritën ose burimin e dritës.
Nëse doni vetëm të ndizni dritën, tërhiqni këmbëzën e
çelësit pa shtypur levën e bllokimit. Për ta ndezur dritën
dhe për ta vënë veglën në punë, shtypni levën e
bllokimit dhe tërhiqni këmbëzën e çelësit me levën e
bllokimit të shtypur.
SHËNIM:
•
Përdorni një leckë të thatë për të fshirë
papastërtitë nga lentet e llambës. Bëni kujdes të
mos gërvishtni lentet e llambës, ose ajo do të ulë
ndriçimin.
•
Mos përdorni benzinë, hollues ose lëndë të
ngjashme për të pastruar lentën e llambës.
Përdorimi i këtyre substancave do ta dëmtojë
lentën.
MONTIMI
KUJDES:
•
Sigurohuni gjithmonë që vegla të jetë e fikur dhe
kutia e baterisë të jetë hequr përpara se të kryeni
ndonjë punë në vegël.
Heqja ose instalimi i diskut të sharrës
Fig.8
KUJDES:
•
Sigurohuni që disku të jetë instaluar me dhëmbët
e drejtuara nga ana e përparme e veglës.
•
Përdorni vetëm çelësa Makita për instalimin apo
heqjen e diskut.
Për ta hequr diskun, shtypni bllokimin e boshtit në
mënyrë që disku të mos rrotullohet dhe përdorni çelësin
për ta liruar bulonin hekzagonal në drejtim orar. Më pas,
hiqni bulonin hekzagonal, flanxhën e jashtme dhe
diskun.
Për të instaluar diskun, ndiqni procedurën e anasjellë të
heqjes. SIGUROHUNI QË TA SHTRËNGONI BULONIN
HEKZAGONALE NË MËNYRË TË SIGURT NË
DREJTIM KUNDËRORAR.
Fig.9
Kur ndërroni diskun sigurohuni gjithashtu që të pastroni
tallashin e akumuluar në mbrojtësen e sipërme dhe të
poshtme të diskut. Megjithatë, këto veprime nuk
shmangin nevojën për të kontrolluar funksionimin e
mbrojtëses së poshtme përpara çdo përdorimi.
Vetëm për veglat me unazë (për shtete specifike)
Fig.10
PARALAJMËRIM:
•
Përpara montimit të diskut në aks, sigurohuni
gjithmonë që ndërmjet flanxhave të brendshme
dhe të jashtme të instalohet unaza e
përshtatshme për vrimën e boshtit të diskut që
doni të përdorni.
Përdorimi i unazës së
papërshtatshme në vrimën e boshtit të diskut
mund të sjellë montim të pasaktë të diskut, gjë e
cila shkakton lëvizjen e diskut dhe dridhje të forta
që sjellin humbje të mundshme të kontrollit gjatë
përdorimit dhe lëndim të rëndë të personit.
Ruajtja e çelësit hekzagonal
Fig.11
Kur nuk e keni në përdorim, çelësin hekzagonal ruajeni
siç tregohet në figurë që mos t'ju humbë.
Lidhja me një fshesë me korrent
Fig.12
Fig.13
Kur dëshironi të kryeni prerje të pastër, lidhni fshesën
me korrent të Makita-s me veglën tuaj. Vendosni
hundëzën e pluhurit në vegël duke përdorur vidën. Më
pas, lidhni tubin e fshesës me korrent me hundëzën e
pluhurit siç tregohet në figurë.
PËRDORIMI
KUJDES:
•
Futeni gjithmonë kutinë e baterisë derisa të arrijë
deri në fund. Nëse shikoni treguesin e kuq në
anën e sipërme të butonit, ajo nuk është bllokuar
plotësisht. Instalojeni plotësisht derisa pjesa e
kuqe të mos shihet. Nëse jo, ajo mund të bjerë
aksidentalisht nga vegla duke ju lënduar ju ose
personat pranë.
•
Sigurohuni ta lëvizni veglën përpara lehtë dhe në
vijë të drejtë. Shtyrja e veglës me forcë, ose
mbajtja jo në vijë të drejtë do të çojnë në
mbinxehje të motorit dhe zmbrapsje të rrezikshme,
duke shkaktuar ndoshta dhe lëndime serioze.
•
Nëse vegla përdoret në mënyrë të vazhdueshme
derisa bateria të shkarkohet, mos e përdorni
veglën për 15 minuta derisa të vazhdoni me një
bateri të re.
