IVT GBC-52, Instruction Manual, Page: 75 / 112

75
BE
Інструкцыя па эксплуатацыі
∙ Пры ўзнікненні празмернай вібрацыі заглушыце
інструмент і неадкладна высвятліце чыннік. Вібрацыя
звычайна з’яўляецца прыкметай пашкоджання.
∙ Перад тым, як пакінуць працоўнае месца,
вырабіць рамонт, агляд ці ачыстку інструмента,
адключыце яго і пачакайце да поўнага спынення.
∙ Забараняецца здымаць або змяняць ўнутраныя
дэталі.
Адмысловыя правілы па тэхніцы бяспекі
∙ Выкарыстоўвайце падыходную працоўную
адзежу і сродкі індывідуальнай абароны! Галоўным
чынам, выкарыстоўвайце ахоўныя ачкі ці абарону
для вачэй, абарону для вушэй, боты ці чаравікі з
супрацьслізготнай падэшвай, а таксама трывалыя,
доўгія порткі і працоўныя пальчаткі. Не працуйце з
гэтай прыладай басанож у адкрытых сандалях.
∙ Праца машыны можа суправаджацца выкідам
старонніх прадметаў у вочы, што здольна прывесці
да сур’ёзнай траўмы вачэй. Перад пачаткам
працы заўсёды апранайце ахоўныя ачкі-кансервы
ці адкрытыя ахоўныя ачкі з бакавымі шчыткамі,
а таксама поўную абарону для твару, калі гэта
неабходна.
∙ Пры працы ў лесе заўсёды апранайце
сертыфікаваную ахоўную каску.
∙ Выкарыстоўвайце гэту прыладу толькі ў светлы
час сутак ці пры добрым штучным асвятленні.
∙ Не эксплуатуйце прыладу зблізку ад гаручых
вадкасцяў ці газаў: існуе небяспека выбуху.
∙ Ніколі не выкарыстоўвайце машыну на слізкай
глебе, уначы, у густой смузе, падчас ліўневых
дажджоў ці ў любых іншых пагодных умовах,
якія могуць зрабіць выкарыстанне гэтага выраба
небяспечным ці абцяжарыць забеспячэнне добрага
агляду ўчастку.
∙ Не працуйце з гэтай прыладай, знаходзячыся
ў нязручных становішчах, у няўстойлівай паставе,
з выцягнутымі рукамі ці адной рукой. Пры працы з
прыладай заўсёды выкарыстоўвайце абедзве рукі.
∙ Прылада павінна, як правіла, выкарыстоўвацца
на ўзроўні зямлі, з рэжучым прыстасаваннем,
размешчаным паралельна зямлі. Не
выкарыстоўвайце гэту прыладу для зразання травы,
якая знаходзіцца не на ўзроўні зямлі, гэта значыць
трава, якая расце на сценах, скалах і да т.п.
∙
Перад стрыжкай участку праверце яго на
прадмет наяўнасці камянёў, сцякла, абломкаў
металу, смецця і іншых цвёрдых прадметаў.
Пераканайцеся ў тым, што рэжучае абсталяванне не
прыходзіць у кантакт з камянямі, жвірам, дротам ці
іншымі староннімі прадметамі пры запуску і падчас
працы. Рэжучае прыстасаванне здольна выкідваць
прадметы падобнага роду.
∙
Заўсёды падтрымлівайце бяспечную адлегласць
15 м вакол сябе. Можа адбывацца выкід камянёў і
жвіру, якія здольныя прычыніць траўмы.
∙ У межах паказанага радыусу дзеяння карыстач
адказвае за шкоду, прычынены трэцім асобам у
выніку выкарыстання гэтай прылады.
∙
Спыніце выкарыстанне машыны, калі побач
знаходзяцца людзі, асабліва дзеці, а таксама хатнія
жывёлы.
∙ Ніколі не эксплуатуйце гэту прыладу з
пашкоджанымі ахоўнымі прыстасаваннямі ці
без усталяваных ахоўных прыстасаванняў.
Пераканайцеся ў наяўнасці на месцы адпаведнага
ахоўнага прыстасавання.
∙
Перад выкарыстаннем машыны і пасля любога
ўдару праверце яе на прадмет прыкмет зносу ці
пашкоджанні, а пры неабходнасці адрамантуйце.
∙ Трымайце рэжучую прыладу, асабліва падчас яе
кручэння, на бяспечнай адлегласці ад любых частак
вашага цела, у прыватнасці, рук і ног.
∙
Заўсёды захоўвайце ўстойлівае становішча
ног і раўнавагу цела. Адмысловую асцярожнасць
выяўляйце пры працы на схілах, на моцна зарослых
участках ці ў слізкіх умовах. Сцеражыцеся ўтоеных
перашкод.
∙ Прыміце меры, каб не атрымаць траўмы ад
разака для рэжучай струны, які ўсталяваны для
абразання рэжучай струной па патрабаванай
даўжыні.
∙ Не перасякайце дарожак ці сцяжынак са жвірова-
насыпным пакрыццём, пакуль прылада працуе.
∙ Не эксплуатуйце прыладу бесперапынна на
працягу працяглага часу, перыядычна спыняйцеся.
Абмяжоўвайце прамежак часу, на працягу якога
прылада выкарыстоўваецца бесперапынна
(прыблізна 30-40 мінут за адзін прыём), і
прадугледзіце 10-20 мінут адпачынку паміж сеансамі
працы. Таксама імкніцеся падтрымліваць поўны
аб’ём працы, выкананай за дзень, ў рамках 2 гадзін
ці меней.
∙
Замяняйце барабан трымера ў выпадку
ўзнікнення расколін, выкрашывання ці пашкоджанняў
любога роду. Забяспечце яго правільную ўсталёўку і
надзейнае мацаванне.
∙
Ніколі не выкарыстоўвайце неадпаведныя,
пагнутыя, карабатыя прылады, якія трэснулі,
зламаныя ці маюць пашкоджаныя нажы. Увесь час
падтрымлівайце завострыванне нажа. Праверце шруб,
якім мацуецца нож, а таксама пераканайцеся ў тым,
што нож круціцца вольна і без анамальнага шуму.