TJEP KYOCERA PQZ-75, Инструкции по безопасности и эксплуатации

Страница: 111 / 216

Íslenska
111
Notkunarleiðbeiningar
Efnarafall settur í eða tekinn úr
• Opnið hlerann á efnarafalnum með því að toga í
hann og snúa (Mynd C).
• Setjið efnarafalinn inn í hólfið (Mynd D). Gætið
þess að stúturinn á efnarafalnum liggi rétt upp að
eldsneytisrörinu á gasverkfærinu.
• Lokið hleranum á efnarafalnum.
Naglar settir í eða teknir úr
• Setjið rafhlöðuna (Mynd A) og efnarafalinn (Mynd B)
í verkfærið áður en naglarnir eru settir í. Ef naglarnir
eru settir í áður en rafhlaðan og/eða efnarafallinn
eru tengd er hætta á að naglar skjótist út fyrir slysni.
• Beinið stútnum frá öllu starfsfólki og gætið þess að hafa
fingur ekki á gikknum á meðan naglarnir eru settir í.
Fyrir magasín án stoppara
• Þegar naglarnir eru settir í er naglaborðanum rennt
inn í magasínið
• Ýtið á losunarrofann og togið í þrýstibúnaðinn þar til
hann er kominn aftur fyrir naglaborðann.
• Sleppið þrýstibúnaðinum rólega þar til hann smellur
á réttan stað á naglaborðanum
• Til að losa naglana úr magasíninu er ýtt á losunar-
rofann á þrýstibúnaðinum til að láta naglaborðann
renna yfir í aftari hluta magasínsins.
• Takið naglaborðann úr með því að renna borðanum
úr magasíninu.
Fyrir þriggja þrepa gerð af magasíni skal fylgja
sambærilegum varúðarráðstöfunum og halda áfram
með eftirfarandi skref
• Til að setja naglana í skal toga þrýstibúnaðinn aftur
á bak þar til hann læsist við magasínið að aftan.
• Rennið naglaborðanum inn í magasínið.
• Sleppið þrýstibúnaðinum varlega til að hann festi
naglaborðann
• Til að taka naglana úr gasverkfærinu skal ýta
þrýstibúnaðinum aftur á bak í aftari, læsta stöðu.
Rennið nöglunum út úr magasíninu.
Stilling dýptardrifsins
• Gasverkfærið er með stillanlegt dýptardrif. Prófið
dýptarstillinguna á afgangsstykki áður en vinnan hefst.
• Snúið hnappinum til að stilla dýptina (Mynd E).
• Endurtakið ferlið sem lýst er að ofan til að finna
æskilega stillingu dýptardrifs (Mynd F).
Ef negla á í steypu skal gera eftirfarandi: Rennið
sleðanum til hliðar til að stilla dýptina.
Gangsetning gasverkfærisins
• Gasverkfærið er búið heildstæðu, þrepaskiptu
gangsetningarkerfi.
• Til að gangsetja gasverkfærið skal ýta öryggis-
rofanum upp að stykkinu sem á að negla í og toga
svo í gikkinn.
• Til að gangsetja gasverkfærið aftur þarf að sleppa
öryggisrofanum alveg og sleppa gikknum áður en
ofangreint ferli er endurtekið.
• Gangið úr skugga um að verkfærinu sé beint á
réttan stað á stykkinu sem unnið er með áður en
togað er í gikkinn.
Notkun gasverkfærisins
• Til að tryggja rétta notkun og forðast ofhitnun eða
stíflur í verkfærinu ætti ísetningarhraði ekki að vera
meiri en 1.000 skot/klst. og 4.000 skot/dag, við
æskilegustu vinnuskilyrði. Þegar unnið er við háan
lofthita og/eða í mikilli hæð yfir sjávarmáli minnkar
æskilegur fjöldi skota á dag.
Stífla losuð vegna rammaneglingar og
heftunar
• Ef festiborðinn flækist skal aftengja efnarafalinn
(Mynd B) og rafhlöðuna (Mynd A) áður en nokkuð
fleira er gert.
• Slepptu þrýstibúnaðinum til að forðast þrýsting á
festiborðann.
• Stingið hentugu verkfæri, t.d. Phillips-skrúfjárni #2,
inn í drifrásina.
• Sláið létt á skrúfjárnið með hamri til að þrýsta
drifblaðinu aftur á bak og losa stífluna (Mynd G).
• Fjarlægið fasta naglann með nál, flísatöng eða
svipuðu verkfæri. Notið ekki höndina til að fjarlægja
festinguna.
• Ef ekki tókst að fjarlægja fasta naglann með
ofangreindri aðferð skal hafa samband við söluaðila
TJEP á hverjum stað.
Stífla losuð vegna frágangsneglingar
• Ef festiborðinn flækist skal aftengja efnarafalinn
(Mynd B) og rafhlöðuna (Mynd A) áður en nokkuð
fleira er gert.
• Slepptu þrýstibúnaðinum til að forðast þrýsting á
festiborðann.
• Opnið hlífina yfir drifstýringuna með því að losa
krækjuna (Mynd H).
Fyrir TJEP ST-15/50 GAS: Fjarlægið skrúfurnar
tvær í hlauphlutanum.
• Fjarlægið fasta naglann með nál, flísatöng eða
svipuðu verkfæri. Notið ekki höndina til að fjarlægja
festinguna.
• Lokið hlífinni yfir drifstýringunni aftur þegar búið er
að losa stífluna.
Fyrir TJEP ST-15/50 GAS: Setjið hlaupstykkið aftur
saman.
Stífla losuð vegna neglingar í steypu
• Ef festiborðinn flækist skal aftengja efnarafalinn
(Mynd B) og rafhlöðuna (Mynd A) áður en nokkuð
fleira er gert.
• Slepptu þrýstibúnaðinum til að forðast þrýsting á
festiborðann.
• Fjarlægið magasínið með því að losa um lásinn á
magasíninu.
• Fjarlægið stútinn, losið stífluna og setjið verkfærið
aftur saman.