Siku CONTROL32, Руководство по эксплуатации

Страница: 76 / 150

74
Dæmi: Ef bæta á við öðru SIKU CONTROL 32 -módeli
vistar fjarstýringin það á stigi A eða B eftir að kveikt
hefur verið á módelinu og stutt á SCAN-hnappinn.
Meðan á leitinni stendur slokknar á ljósinu í hnappinum
fyrir stig A eða B. Þegar módelið og fjarstýringin hafa
tengst kviknar aftur á ljósinu í viðkomandi stigshnappi.
Nýja módelið er stillt sjálfkrafa inn í búnaðinn þannig
að hægt er að byrja að nota það strax. Módelið sem
hægt er að nota er alltaf það sem síðast var bætt við. Til
þess að skipta á milli módelanna sem vistuð hafa verið
á sama stigi er stutt einu sinni á hnappinn fyrir stig A
(eða oftar ef um fleiri en tvö módel er að ræða). Í hvert
sinn sem stutt er á hnappinn er skipt yfir á næsta módel
í minni.
d) Módeli eytt úr minni
Þegar slökkt er á fjarstýringunni er módelunum eytt
úr minni hennar. Þegar búnaðurinn er gangsettur að
nýju eins og lýst er í hluta a) eða b) er módelunum
hins vegar bætt við aftur. Þegar slökkt er á módeli með
aflrofanum er því sjálfkrafa eytt af listanum yfir virk
módel í fjarstýringunni og er þá hægt að tengja það við
aðrar fjarstýringar eftir þörfum. Ef slökkt er á módelinu
í ógáti eða skipta þarf um rafhlöðu er hægt að tengja
það aftur við fjarstýringuna þegar kveikt er á því aftur
með aðferðinni sem lýst er í hluta c).
5. Ámoksturstæki
Þetta vandaða SIKU CONTROL 32 -módel er með
rafstýrðu ámoksturstæki að framan.
Ámoksturstækinu er stjórnað með hjólunum hægra
og vinstra megin við aflrofann. Með hægra hjólinu er
ámoksturstækið í heild sinni fært upp eða niður. Vinstra
hjólið er notað til að stýra halla skóflunnar. Skóflan
er tekin af ámoksturstækinu með einu handfangi.
Sérstakur smellibúnaður (svokallaður „Snap-in-place“-
búnaður) á skóflunni gerir þetta kleift.
Skóflan tekin af:
Færið ámoksturstækið í losunarstöðu með því að
styðja á D-hnappinn. Losið skófluna af ámokst-
urstækinu og hallastýringunni með hæfilegu afli
og haldið um leið arminum á hallastýringunni milli
þumalfingurs og vísifingurs.
Skóflan sett á:
Færið tengið fyrir ámoksturstækið í festingarstöðu
með því að styðja á D-hnappinn. Þrýstið skóflunni á
ámoksturstækið með dálitlu afli. Haldið arminum á
hallastýringunni milli þumalfingurs og vísifingurs og
þrýstið lauslega á skófluna.
Með P-hnappinum er hægt að stilla ámoksturstækið
þannig að tengitækið sem notað er sé alltaf samsíða
jörðu, en þannig verður auðveldara að stafla
vörubrettum, heyböggum, steinum o.s.frv. Í þessari
stillingu er hallastýring tengitækisins óvirk. Stillingin
er tekin af með því að styðja aftur á P-hnappinn.
Almennir eiginleikar módelsins
• Ekið áfram/aftur á bak - stiglaust
• Stýrt til hægri og vinstri - stiglaust
• Ámoksturstæki fært upp og niður - stiglaust
• Hallastýring skóflu - stiglaus
• Rafstýrt afturtengi - stiglaust
• Fram- og afturljós (hægt að kveikja og slökkva)
• Stefnuljós hægra/vinstra megin (sett á sitt
í hvoru lagi)
• Snúningsljós á þaki stýrishúss
(hægt að kveikja og slökkva)
• Vinnuljós framan á stýrishúsi og grilli
(hægt að kveikja og slökkva).
• Kveikt er á vinnuljósunum með því að styðja
nokkrum sinnum á hnappinn fyrir aðalljósin.