15
13.
Përdorni fasheta për të mbështetur materialin
e punës aty ku mundet. Gjatë përdorimit, mos
mbani asnjëherë një material të vogël pune në
një dorë dhe veglën në dorën tjetër.
Mbërthimi i
materialit të vogël të punës ju mundëson të
përdorni duart për të kontrolluar veglën.
Materialet e rrumbullakëta, si shkopinjtë e
rrumbullakët, tubat ose sistemet e tubacioneve,
kanë tendencën të rrotullohen gjatë prerjes dhe
mund të shkaktojnë shtrembërimin e puntos ose
kërcimin e saj drejt jush.
14.
Vendoseni kordonin larg aksesorit rrotullues.
Nëse humbisni kontrollin, kordoni mund të pritet
ose të ngatërrohet dhe dora ose krahu juaj mund
të shkojnë drejt rrotës rrotulluese.
15.
Mos e lëshoni veglën elektrike nga dora deri
sa aksesori të ketë ndaluar plotësisht.
Aksesori që rrotullohet mund të prekë sipërfaqen
dhe mund ta nxjerrë veglën elektrike jashtë
kontrollit.
16.
Pas ndërrimit të puntove ose kryerjes së
ndonjë rregullimi, sigurohuni që dadoja e
bokullës konike, mandrinoja ose pajisjet e
tjera të rregullimit janë shtrënguar mirë.
Pajisjet e liruara të rregullimit mund të
zhvendosen papritur, duke shkaktuar humbje të
kontrollit dhe përbërësit e liruar të rrotullimit do të
kërcejnë fort.
17.
Mos e ndizni veglën elektrike kur jeni duke e
mbajtur anash trupit tuaj.
Kontakti aksidental
me aksesorin rrotullues mund ta ngecë atë në
rrobat tuaja, duke e tërhequr aksesorin drejt trupit
tuaj.
18.
Pastroni rregullisht vrimat e ajrosjes së
veglës elektrike.
Ventilatori i motorit do ta
tërheqë pluhurin brenda folesë dhe akumulimi i
tepërt i pluhurit të metalit mund të shkaktojë
rreziqe elektrike.
19.
Mos e përdorni veglën elektrike pranë
materialeve të ndezshme.
Shkëndijat mund t’i
ndezin këto materiale.
20.
Mos përdorni aksesorë që kërkojnë ftohës të
lëngshëm.
Përdorimi i ujit ose i ftohësve të tjerë
të lëngshëm mund të rezultojnë në goditje ose në
goditje elektrike.
Kundërveprimi dhe paralajmërimet lidhur me të
Kundërveprimi është një reagim i shpejtë që ndodh ndaj
një aksesori rrotullues të bllokuar ose të ngecur. Kapja
ose ngecja shkaktojnë një ndalesë të menjëhershme të
aksesorit rrotullues e cila bën që vegla elektrike të dalë
jashtë kontrollit dhe të shkojë në drejtim të kundërt të
rrotullimit të aksesorit.
Për shembull, nëse një disk abraziv ngec ose kapet nga
materiali i punës, tehu i diskut që hyn në vendin e
kapjes mund të godasë sipërfaqen e materialit duke
bërë që disku të ndërrojë drejtim ose të kërcejë
mbrapsht. Disku mund të kërcejë në drejtim të punëtorit
ose larg tij, në varësi të drejtimit të lëvizjes së diskut në
momentin e kapjes. Disqet abrazive edhe mund të
thyhen në këto kushte.
Kundërveprimi është rezultat i keqpërdorimit të veglës
elektrike dhe/ose i procedurave ose kushteve të
pasakta të përdorimit dhe mund të shmanget duke
marrë masat parandaluese të dhëna më poshtë.
a)
Mbajeni veglën elektrike fort dhe vendosni trupin
dhe krahun në mënyrë që të pengoni forcat e
kundërveprimit.
Përdoruesi mund t'i kontrollojë forcat
e kundërveprimit, nëse merren masa parandaluese.
b)
Tregoni kujdes të veçantë kur të punoni në
cepa, anë të mprehta etj. Shmangni kërcimet
dhe ngecjen e aksesorit.
Cepat, anët e mprehta
ose kërcimet kanë një tendencë për të shkaktuar
ngecjen e aksesorit rrotullues që shkakton
humbjen e kontrollit ose kundërveprimin.
c)
Mos vendosni një fletë sharre të dhëmbëzuar.
Këto fletë krijojnë kundërveprime të shpeshta dhe
humbje kontrolli.
d)
Shtyni gjithmonë punton në material në të
njëjtin drejtim nga ku del skaji prerës nga
materiali (që është i njëjti drejtim si ai i hedhjes
së ciflave).
Shtytja e veglës në drejtimin e gabuar
shkakton ndërrimin e drejtimit të punots në
materialin e punës dhe tërheqjen e veglës në
drejtim të kësaj shtytjeje.
Paralajmërime për siguri specifike gjatë lëmimit:
a)
Përdorni vetëm llojet e disqeve të
rekomanduara për pajisjen tuaj elektrike dhe
vetëm për aplikacionet e rekomanduara.
b)
Mos e poziciononi dorën tuaj drejt dhe
mbrapa diskut rrotullues.
Kur disku, në pikën e
veprimit, po largohet nga dora juaj, kundërveprimi i
mundshëm mund ta dërgojë diskun prerës dhe
veglën elektrike në drejtimin tuaj.
Paralajmërime shtesë mbi sigurinë:
21.
Vegla është synuar për përdorim me pikat e
lidhura të diskut abraziv (gurë smerilues) të
montuara në mënyrë të përhershme në
mandrinën e thjeshtë e të pafiletuar (frezë).
22.
Sigurohuni që disku nuk e prek materialin e
punës përpara se të ndizet çelësi.
23.
Përpara se të përdorni veglën mbi një material
aktual, lëreni të punojë për ca kohë. Tregoni
kujdes për dridhjet ose lëkundjet që
dëshmojnë për një instalim të gabuar ose një
disk jo në ekuilibër.
24.
Përdorni sipërfaqen e specifikuar të diskut për
të kryer lëmimin.
25.
Kujdes nga shkëndijat e përhapura. Mbajeni
veglën në mënyrë që shkëndijat të përhapen
larg jush dhe personave të tjerë ose
materialeve që digjen.
26.
Mos e lini veglën të ndezur. Përdoreni veglën
vetëm duke e mbajtur në dorë.
27.
Mos e prekni materialin e punës menjëherë
pas punës; mund të jetë shumë i nxehtë dhe
mund t’ju djegë lëkurën.
