Makita GA4600, Instruction Manual, Page: 34 / 136

34 SHQIP
16. Mos e përdorni veglën elektrike pranë
materialeve të ndezshme. Shkëndijat mund t’i
ndezin këto materiale.
17.
Mos përdorni aksesorë që kërkojnë ftohës të
lëngshëm. Përdorimi i ujit ose i ftohësve të tjerë
të lëngshëm mund të rezultojnë në goditje ose në
goditje elektrike.
Zmbrapsja dhe paralajmërimet lidhur me të:
Zmbrapsja është një reagim i shpejtë që ndodh kur
disku prerës, pllaka mbështetëse, furça ose çdo
aksesor tjetër bllokohet ose ngec. Bllokimi ose ngecja
shkaktojnë ndalesë të menjëhershme të aksesorit
rrotullues, i cili si pasojë bën që pajisja elektrike e
pakontrolluar të shtyhet në drejtimin e kundërt të
rrotullimit të aksesorit deri në pikën e lidhjes.
Për shembull, nëse disku smerilues ngec ose bllokohet nga
materiali i punës, tehu i diskut që hyn në vendin e bllokimit
mund të godasë sipërfaqen e materialit duke shkaktuar
daljen ose kërcimin e diskut nga vendi. Disku mund të
kërcejë në drejtim të punëtorit ose larg tij, në varësi të
drejtimit të lëvizjes së diskut në momentin e bllokimit.
Disqet smeriluese mund të thyhen në të tilla kushte.
Zmbrapsja është rezultat i keqpërdorimit të veglës
elektrike dhe/ose procedurave ose kushteve të pasakta
të përdorimit dhe mund të shmanget duke marrë masat
e mëposhtme parandaluese.
1.
Mbajeni veglën elektrike fort me të dyja
duart dhe vendosni trupin dhe krahët në
mënyrë që të pengoni forcat zmbrapëse.
Përdorni gjithmonë dorezën ndihmëse, nëse
mundësohet, për një kontroll maksimal mbi
zmbrapsjen ose reagimin rrotullues gjatë
ndezjes. Përdoruesi mund të kontrollojë reagimet
rrotulluese ose forcat zmbrapëse, nëse merren
masa parandaluese.
2. Mos e vini kurrë dorën pranë aksesorit rrotullues.
Aksesori mund të zmbrapset mbi dorën tuaj.
3. Mos e poziciononi trupin tuaj në zonën ku vegla
elektrike do të lëvizë nëse ndodh zmbrapsja.
Zmbrapsja do ta dërgojë veglën në drejtimin e
kundërt të lëvizjes së diskut në pikën e ngecjes.
4. Tregoni kujdes të veçantë kur të punoni në
cepa, anë të mprehta etj. Shmangni kërcimet
dhe ngecjen e aksesorit. Cepat, anët e mprehta
ose kërcimet kanë një tendencë për të shkaktuar
ngecjen e aksesorit rrotullues që shkakton
humbjen e kontrollit ose zmbrapsjen.
5. Mos montoni zinxhir sharre, disk për prerjen
e druve, disk të segmentuar diamanti me
hapësirë anësore më të madhe se 10 mm ose
teh sharre të dhëmbëzuar. Disqe të tilla krijojnë
zmbrapsje të shpeshta dhe humbje të kontrollit.
Paralajmërimet për sigurinë specifike gjatë
veprimeve të lëmimit dhe prerjes:
1. Përdorni vetëm llojet e disqeve që janë të
specifikuara për veglën tuaj elektrike dhe
mbrojtësen specifike të projektuar për diskun
e zgjedhur. Disqet të cilët nuk janë projektuar për
veglën elektrike nuk mund të mbrohen dhe nuk
janë të sigurta.
2. Sipërfaqja smeriluese e disqeve të shtypur
qendrorë duhet të montohet poshtë rrafshit
të buzëve mbrojtëse. Një disk që është montuar
keq dhe që del nga rrafshi i buzëve mbrojtëse, nuk
mund të mbrohet siç duhet.
3.
Mbrojtësja duhet të lidhet në mënyrë të sigurt me
veglën elektrike dhe të pozicionohet për siguri
maksimale, në mënyrë që një pjesë shumë e
vogël e diskut të jetë e zbuluar nga përdoruesi.
Mbrojtësja ndihmon në ruajtjen e përdoruesit nga
copëzat e thyera të diskut, kontakti aksidental me
diskun dhe shkëndijat që mund të ndezin rrobat.
4. Disqet duhet të përdoren vetëm për përdorimet
e specifikuara. Për shembull: mos smeriloni
me anën e diskut prerës. Disqet prerës
smerilues janë projektuar për smerilim anësor,
forcat anësore të ushtruara mbi këto disqe mund
të shkaktojnë thyerjen e tyre.
5.
Përdorni gjithmonë fllanxha disqesh të
padëmtuara të madhësisë dhe formës së
diskut të zgjedhur. Fllanxhat e përshtatshme
të disqeve mbështesin diskun duke reduktuar
mundësinë e thyerjes së tij. Fllanxhat për disqet
e prerjes mund të jenë ndryshe nga fllanxhat e
disqeve të smerilimit.
6. Mos përdorni disqe të konsumuara nga pajisje
më të mëdha elektrike. Një disk i projektuar
për pajisje më të mëdha elektrike nuk është i
përshtatshëm për shpejtësinë e madhe të pajisjes
së vogël dhe mund të plasë.
7. Gjatë përdorimit të disqeve dyfunksionale
përdorni gjithnjë mbrojtësen e duhur për zbatimin
përkatës. Mospërdorimi i mbrojtëses së duhur mund
të mos ofrojë të njëjtin nivel të dëshiruar mbrojtjeje, që
do të mund të çonte në lëndim të rëndë.
Paralajmërimet e mëtejshme për sigurinë specifike
gjatë proceseve të prerjes:
1.
Mos e “bllokoni” diskun prerës ose mos aplikoni
presion të tepërt mbi të. Mos provoni të kryeni
prerje të thella. Ushtrimi i forcës së tepërt mbi disk
rrit ngarkesën dhe ndjeshmërinë ndaj përdredhjeve
ose kapjes së diskut gjatë prerjes dhe mundësinë e
zmbrapsjes ose të thyerjes së diskut.
2. Mos e poziciononi trupin tuaj në një linjë dhe
mbrapa diskut rrotullues. Kur disku, në pikën
e veprimit, po largohet nga trupi juaj, zmbrapsja
e mundshme mund ta lëshojë diskun prerës dhe
veglën elektrike në drejtimin tuaj.
3. Kur disku kapet ose kur e ndërpritni prerjen
për çdo lloj arsyeje, fikeni veglën elektrike
dhe mbajeni pa lëvizur derisa disku të ndalojë
plotësisht. Mos tentoni kurrë ta tërhiqni diskun
prerës nga vendi i prerjes ndërsa disku është
duke lëvizur, përndryshe mund të ndodhë
kundërveprimi. Hetoni dhe ndërmerrni veprime
korrigjuese për të eliminuar ngecjen e diskut.
4. Mos e rifilloni procesin e prerjes në materialin
e punës. Lejoni diskun të arrijë shpejtësinë
maksimale dhe futeni sërish me kujdes te
vendi i prerjes. Disku mund të kapet, të shkojë
lart ose të zmbrapset nëse vegla elektrike rindizet
brenda materialit të punës.
5. Mbështetni panelet ose çdo material pune të
madh për të minimizuar rrezikun e bllokimit
dhe të zmbrapsjes së diskut. Materialet e
mëdha të punës kanë tendencë të përkulen nga
pesha e tyre. Mbështetëset duhet të vendosen
poshtë materialit të punës pranë vijës së prerjes
dhe buzës së materialit të punës nga të dyja anët
e diskut.