Makita KP0810, Инструкция по эксплуатации

Страница: 22 / 80

22
MONTIMI
KUJDES:
•
Jini gjithnjë të sigurt që vegla është fikur dhe
hequr nga korrenti përpara se të bëni ndonjë punë
mbi të.
Heqja ose instalimi i thikave të zdrukthimit
KUJDES:
•
Shtrëngoni me kujdes bulonat për instalimin e
thikave kur bashkëngjisni thikat me veglën. Një
bulon instalimi i liruar mund të jetë me rrezik.
Kontrolloni gjithmonë nëse janë shtrënguar sa
duhet.
•
Mbajini thikat me shumë kujdes. Përdorni doreza
ose rrecka për të mbrojtur gishtat ose duart tuaja
kur hiqni ose instaloni thikat.
•
Përdorni vetëm çelësa Makita për instalimin apo
heqjen e thikave. Mospërdorimi i këtyre çelësave
mund të çojë në mbishtrëngim ose shtrëngim jo të
mjaftueshëm të bulonave të instalimit. Kjo mund të
shkaktojë lëndim trupor.
Për vegël me thika standarde të zdrukthimit
Fig.4
Fig.5
Fig.6
Për të hequr thikat e tamburit, lironi bulonat e instalimit
me një çelës hekzagonal. Kapaku i tamburit hiqet
bashkë me thikat.
Për të instaluar thikat, në fillim pastroni të gjitha ashklat
ose mbetjet e huaja që kanë mbetur në tambur ose
thika. Përdorni thika me të njëjtat dimensione dhe peshë,
përndryshe do të keni luhatje/dridhje të tamburit duke
shkaktuar zdrukthim të dobët dhe me kalimin e kohës,
prishje të veglës.
Vendosni thikat në bazën e matësit në mënyrë të tillë që
skaji i thikës të përputhet përsosmërish me skajin e
brendshëm të pllakës së matësit. Vendosni pllakën e
rregullimit mbi thikë, më pas vetëm shtypni
mbështetësen e pllakës së rregullimit që të jetë rrafsh
me anën e pasme të bazës së matësit dhe shtrëngoni
dy vidat në pllakën e rregullimit. Tani rrëshqisni pllakën
e rregullimit në kanalin e tamburit, më pas përshtatni
dhe kapakun e tamburit aty. Shtrëngoni bulonat e
instalimit në mënyrë të barabartë me anë të çelësit
hekzagonal.
Për vegël me thika të vogla të makinës së
zdrukthimit
1. Hiqni thikën ekzistuese, nëse vegla ka qenë në
përdorim, pastroni me kujdes sipërfaqet e
tamburit dhe kapakun e tamburit. Për të hequr
thikat e tamburit, lironi tre bulonat e instalimit me
një çelës hekzagonal. Kapaku i tamburit hiqet
bashkë me thikat.
Fig.7
2. Për të instaluar thikat, vendosni pa e shtrënguar
pllakën e rregullimit në pllakën e vendosjes me
anë të vidave me kokë kryq dhe vendosni thikën
e vogël të zdrukthimit në bazën e matësit në
mënyrë që skaji prerës i thikës të puthitet
përsosmërish me krahun e brendshëm të pllakës
së matësit.
Fig.8
3. Vendosni pllakën e rregullimit/pllakën e vendosjes
në bazën e matësit në mënyrë të tillë që dorezat
e pozicionimit të thikave të zdrukthimit në pllakën
e vendosjes të jenë mbi kanalin e thikës së vogël
të zdrukthimit, më pas shtypni mbështetësen e
pllakës së rregullimit rrafsh me anën e pasme të
bazës së matësit dhe shtrëngoni vidat me kokë
kryq.
4. Është e rëndësishme që thika të puthitet rrafsh
me krahun e brendshëm të pllakës së matësit,
dorezat për pozicionimin e thikës së zdrukthimit
të vendosen mbi kanalin e thikës dhe
mbështetësja e pllakës së rregullimet të jetë e
puthitur me pjesën e pasme të bazës së matësit.
Kontrollojeni me kujdes këtë bashkërendim për të
siguruar prerje të njëtrajtshme.
5. Rrëshqisni mbështetësen e pllakës së rregullimit
në kanalin e tamburit.
6. Vendosni kapakun e tamburit në pllakën e
rregullimit/pllakën e vendosjes dhe vidhoseni me
tre bulonat me kokë hekzagonale në mënyrë që
të ngelë një hapësirë ndërmjet tamburit dhe
pllakës së grupit për të rrëshqitur në pozicion
thikën e vogël të zdrukthimit. Thika do të
pozicionohet nga dorezat e pozicionimit të thikave
të zdrukthimit në pllakën e vendosjes.
Fig.9
7. Rregullimi i thikës për së gjati ka nevojë të bëhet
manualisht në mënyrë të tillë që skajet e thikës të
mos prekin dhe të kenë distancë të barabartë nga
foleja nga njëra anë dhe nga mbajtësja metalike
nga ana tjetër.
8. Shtrëngoni tre bulonat me kokë hekzagonale (me
çelësin hekzagonal të dhënë) dhe rrotulloni
tamburin për të kontrolluar hapësirat ndërmjet
skajeve të thikës dhe trupit të veglës.
9. Kontrolloni tre bulonat me kokë hekzagonale
duke i shtrënguar edhe një herë.
10. Përsërisni procedurat 1-9 për thikën tjetër.