Landmann FB-I-605BK Series, Руководство по сборке и эксплуатации, Страница: 23 / 60

23
FB
-I-605BKXX
UPPLÝSINGAR UM ÖRUGGA NOTKUN
AÐGÁT!
■
AÐGÁT: Hætta er á kolmónoxíðeitrun. Ekki má nota eldstæðið í
lokuðu rými, heldur eingöngu utandyra!
■
Ekki má nota eldstæðið nema að það hafi verið sett rétt saman
samkvæmt þessum uppsetningar- og notkunarleiðbeiningum og
sé óskemmt.
■
ATHUGIÐ: Ekki má nota eldstæðið ef það er aflagað eða í
ólagi. Gæta verður að þessu fyrir hverja notkun.
■
Áður en eldstæðið er notað skal setja það upp á traustum,
stöðugum, láréttum, sléttum og eldþolnum fleti.
■
AÐGÁT! Fylgja verður gildandi reglum á hverjum stað, meðal
annars um leyfi, notkun, örugga fjarlægð og fleira.
■
Velja skal uppsetningarstað þannig að ekkert eldfimt efni
sé nálægt eldstæðinu eða geti borist í það. Aldrei má setja
eldstæðið upp undir trjágreinum! Fjarlægð frá eldfimu efni og
flötum umhverfis verður að vera að minnsta kosti 3 metrar.
■
AÐGÁT! Haldið börnum og gæludýrum fjarri! Aldrei má
skilja eldstæðið eftir án eftirlits á meðan enn logar á því eða
það er enn heitt. Einkum verður að gæta þess að börn eða
einstaklingar sem eru ekki færir um að meta eða bregðast við
hættu á réttan hátt komist of nálægt heitu eldstæðinu.
■
AÐGÁT! Ekki má nota spritt eða bensín til að kveikja upp!
Aðeins má nota uppkveikiefni sem samræmist staðlinum EN
1860-3!
■
Í eldstæðinu má eingöngu brenna náttúrulegum eldiviði úr barr-
eða lauftré í viðeigandi stærð (ekki viðarpellettum).
■
Ekki má nota eldstæðið til að brenna sorpi. Ekki má nota
eldsneyti af rangri gerð eða sem ekki er mælt með. Auk þess má
ekki nota fljótandi eldsneyti.
■
AÐGÁT! Eldstæðið verður mjög heitt og ekki má færa það til
meðan það er í notkun!
■
Notist ekki í miklum vindi.
■
Halda skal hæfilegri fjarlægð meðan á notkun stendur. Þegar
koma þarf við eldstæðið, t.d. til að bæta á eldinn, skal nota
grillhanska (gegn hættu vegna hita) sem samræmast staðlinum
DIN EN 407 (flokki II). Einnig skal nota skörunginn. Jafnvel þótt
eldurinn sé slokknaður eru yfirborðsfletir áfram heitir í einhvern
tíma.
■
Ekki setja of mikinn eldivið í eldstæðið og gættu þess að
eldurinn verði ekki of mikill.
■
Ef eldur kemur upp: Kæfa skal eldinn með eldvarnarteppi eða
viðeigandi slökkvitæki.
Ef kveikt er upp með bensíni eða spritti geta orðið hvellir sem valda
stjórnlausri hitamyndun. Aðeins má nota hættulaust eldsneyti, t.d.
uppkveikikubba.
L
Besti eldiviðurinn er harðviður, þ.e. viður lauftrjáa á borð
við beyki, eik eða birki. Hann er mjög þéttur í sér og gefur
því frá sér jafnan varma í lengri tíma.
1. Staflaðu hluta eldiviðarins upp í eldstæðinu. Leggðu einn eða
tvo uppkveikikubba ofan á og kveikið í þeim.
2. Láttu uppkveikikubbana brenna í tvær til fjórar mínútur.
3. Bættu varlega á viði.
Fleygðu aldrei viði í eldinn!
4. Settu lokið á eldstæðið eða lokaðu hurðinni á eldstæðinu.
Notaðu skörunginn til þess.
AÐ NOTKUN LOKINNI /
ÞRIF OG GEYMSLA
AÐGÁT!
■
Leyfa skal öllum hlutum eldstæðisins að kólna áður en tæmt er
úr því, það er þrifið, yfirbreiðslan er sett á það eða gengið er frá
því.
■
Alls ekki skal slökkva eldinn með vatni, því annars er hætta á
brunameiðslum.
■
Ekki má nota ætandi eða gróf hreinsiefni og ekki má nota
málmbursta. Annars geta yfirborðsfletir orðið fyrir skemmdum.
■
Ekki má fylla eldstæðið með vatni eða láta það standa lengi í
rigningu.
• Þegar allir hlutar eldstæðisins hafa kólnað skal fleygja öskunni á
umhverfisvænan hátt.
• Hreinsaðu eldstæðið með viðeigandi bursta eða blautum svampi
og dálitlum uppþvottalegi. Ef um mikil óhreinindi er að ræða má
nota venjulegt hreinsiefni sem notað er við þrif á heimilum.
• Áður en gengið er frá hlutum eldstæðisins skal leyfa þeim að
þorna eða þurrka af þeim.
• Geymist á þurrum stað í skjóli fyrir veðri og vindum.
FÖRGUN
Gæta skal hreinlætis við meðferð vörunnar og förgun á
úrgangsefnum. Aðeins má fleygja úrgangsefnum í þar til ætluð ílát úr
málmi eða óbrennanlegu efni. Fylgja skal reglum um förgun á hverjum
stað.
Þegar vörunni er fargað skal taka hana í sundur og skila málmi og
plasti til endurvinnslu.
Flokka skal umbúðir og skila þeim til endurvinnslu.
Framleitt í Kína.
IS