Stiga 2259976, Operator'S Manual

Page: 249 / 402

МК - 4
алат или овие упатства, да ракуваат со
машината. Електричните алати се опасни
во рацете на необучени корисници.
e) Одржувајте ги електричните алати
и додатоците. Проверете дали има
неусогласеност или спојување на
подвижните делови, кршење на деловите
и која било друга состојба што може да
влијае на работата на електричниот алат.
Доколку е оштетен, електричниот алат
треба да се поправи пред употреба.
Многу незгоди се предизвикани поради
лошо одржувани електрични алати.
f) Одржувајте ги алатките за сечење да бидат
остри и чисти. Кај правилно одржуваните
алатки за сечење со остри рабови за
сечење постои помала веројатност за
превиткување и полесно се контролираат.
g) Користете го електричниот алат,
додатоците, приклучоците итн. во
согласност со овие упатства, земајќи ги
предвид работните услови и работата
што треба да се изврши. Употребата на
електричниот алат за операции различни
од оние за кои што се наменети може да
резултира со опасна ситуација.
h) Грижете се рачките и површините за
фаќање да бидат суви, чисти и без масло
и маснотии. Лизгави рачки и лизгави
површини за фаќање не дозволуваат
безбедно ракување и контрола на алатот во
неочекувани ситуации.
i) Не користете ја машината доколку главниот
прекинувач не може редовно да ја вклучи
или редовно да ја запре. Машина која не
може да работи со главниот прекинувачот
е опасна и мора да се поправи во сервисен
центар.
j) Отстранете го клучот за палење пред да
направите какви било прилагодувања,
да ги смените додатоците или да го
складирате електричниот алат. Овие
превентивни безбедносни мерки
го намалуваат ризикот од случајно
вклучување на електричната алатка.
5) Употреба и одржување на батеријата
a) Користете само полначи за полнење
на батериите што ги препорачува
производителот. Полнач кој што е
соодветен за еден тип на батерии може
да создаде ризик од пожар, струен
удар, прегревање или истекување
на течност од батеријата кога се
употребува со друг тип на батерии.
b) Користете само батерии со
спецификации што се предвидени
за вашиот апарат. Употребата на
кој било друг вид батерии може да
создаде ризик од повреда и пожар.
c) Кога батеријата не се користи, држете ја
подалеку од други метални предмети,
како што се спајалици за хартија, монети,
клучеви, клинци, завртки или други мали
метални предмети што можат да создадат
врска од еден до друг контакт. Краток
спој на контактите на батеријата може
да доведе до експлозија и пламен.
d) Грубото ракување со батеријата може да
предизвика протекување на течноста.
Избегнувајте контакт со течноста. Во
случај на случаен контакт, исплакнете
со вода. Во случај на контакт на
течноста со очите, консултирајте
се со доктор. Истечената течност
од батеријата може да предизвика
иритација на кожата и изгореници.
e) Не користете батерија или алатка
која е оштетена или модифицирана.
Оштетените или модифицирани батерии
може да покажат непредвидливо
однесување што резултира со пожар,
експлозија или ризик од повреда.
f) Не изложувајте батерија или алатка
на оган или прекумерна температура.
Изложеност на оган или температура над
130 ° C може да предизвика експлозија.
g) Следете ги сите упатства за полнење и
не полнете ја батеријата или алатката
надвор од одредениот температурен
опсег. Неправилното полнење или на
температури надвор од одредениот
опсег може да ја оштети батеријата
и да го зголеми ризикот од пожар.
h) Не полнете ја батеријата на места каде што
има испарувања, запаливи материи или
во премногу влажни простории. Доколку
не постои можност да се избегне
влажна средина, користете штекер за
струја заштитен со диференцијален
прекинувач (RCD-Residual
Current Device) за да го намалите
ризикот од електричен удар.
i) Не чувајте го кабелот од полначот
за батерии на дофат на деца.
6) Сервисирање
a) Сервисирајте го вашиот електричен
апарат кај квалификувано лице
за поправка користејќи само
идентични резервни делови. Со тоа
се гарантира дека безбедноста на
електричниот алат е задржана.
b) Никогаш не ги сервисирајте оштетените
батерии. Сервисирањето на батериите
треба да го врши само производителот
или овластени даватели на услуги.