Hilti NURON SPN 6-22, Manual

Page: 353 / 500

*2327535*
2327535 Қазақ 347
▶
Шаңның ұзақ уақыт бойы тиюіне жол бермеу,
▶
Шаңды көз бен денеден алыстату,
▶
Қорғаныс киімін киіп жүру және әсер етілген жерлерді сумен және сабынмен жуу.
▶
Өніммен жұмыс істеген кезде қорғаныш қолғап киіп жүріңіз. Алмалы-салмалы аспап пайдалану
кезінде қызып, күйіп қалу қаупін тудырады. Пайда болатын кесік жиектері мен металл жоңқасының
қырлары өткір және жарақат алу қаупін тудырады.
▶
Құралды алмастырған кезде қорғаныс қолғаптарын да киіңіз. Алмалы-салмалы аспапқа тию
кесіктерге және күйіктерге апарып соғуы мүмкін.
▶
Саусақтың қан айналымын жақсарту үшін жиі үзіліс жасап, жаттығу жасаңыз. Ұзақ уақыт жұмыс
істеген кезде, қатты дірілдердің салдарынан саусақ, қол не буындардың қантамыры не жүйкесіне
теріс әсер тиюі мүмкін.
▶
Өнімді қолдану барысында қорғауыш көзілдірікті, қорғауыш касканы және қорғауыш құлаққапты
киіп жүріңіз.
▶
Өнімді жұмыс күйіне орнатылғаннан кейін ғана қосыңыз.
▶
Өнімді алып тастау алдында ол толығымен тоқтағанша күтіңіз.
▶
Өніммен бас үстінен жұмыс істемеңіз.
▶
Құлап қалған құралдардан және/немесе керек-жарақтардан жарақат алу қаупі бар. Жұмысты
бастамас бұрын аккумулятор мен қондырылған керек-жарақтың берік бекітілгеніне көз жеткізіңіз.
▶
Аталмыш құралға белдікке ілуге арналған ілгекті монтаждамаңыз.
▶
Желдету саңылауларын әрдайым бос ұстаңыз. Үсті жабылған желдету саңылауларынан өрт қаупі
туындайды!
Электр қауіпсіздігі
▶
Ток өткізетін материалдарды жиі өңдеген кезде кір өнімдерді Hilti қызмет көрсету орталығына
жүйелі түрде тексертіңіз. Өнім бетіне жабысқан шаң (әсіресе ток өткізгіш материалдарда) немесе
ылғал жағымсыз жағдайларда электр тогының соғуына әкелуі мүмкін.
▶
Электр құралдың желдету саңылауларын тұрақты түрде тазалаңыз. Қозғалтқыш желдеткіші
корпусына тартылатын металл шаңының артық концентрациясы электр тогының соғу қаупін
тудыруы мүмкін.
▶
Жұмысты бастау алдында жұмыс орнында жасырын электр сымдарының, газ және су жүргізу
құбырларының бар-жоғын тексеріңіз, мысалы, металл іздегіш көмегімен. Қуат сымдарына, мысалы,
кездейсоқ зақым келтірсеңіз, өнімнің ашық металл бөліктері электр тогының өткізгіштеріне айналуы
мүмкін.
▶
Ток өткізетін дайындамаларды кеспеңіз.
Жұмыс орны
▶
Жұмыс орнындағы тазалықты сақтаңыз. Металл жоңқасы өткір болып табылады және денеге сызат
түсіруі мүмкін.
Электр құралдарымен дұрыс жұмыс істеу және дұрыс пайдалану
▶
Өнімде жоңқа мен кірдің жоқтығына көз жеткізіңіз. Жұмыс барысында қосқыш/ажыратқыштың
айналасында ешқандай жоңқа болмағанына көз жеткізіңіз. Жоңқа қосқыш/ажыратқыштың бітелуіне
әкеліп, өнім бұдан былай өшірілмеуі мүмкін.
2.3 Аккумулятормен дұрыс жұмыс істеу және оны дұрыс пайдалану
▶
Литий-иондық аккумуляторларды пайдалану және күту бойынша төмендегі қауіпсіздік
шараларын орындаңыз. Нұсқауларды орындамау тері тітіркенуіне, ауыр тот басқыш
жарақаттарға, химиялық күйіктерге, өртенуге және/немесе жарылысқа апарып соғуы мүмкін.
▶
Аккумуляторларды тек техникалық мінсіз күйінде қолданыңыз.
▶
Зақымдалуды болдырмау және денсаулыққа қатты зиян келтіре алатын сұйықтықтардың шығуына
жол бермеу үшін аккумуляторларды абайлап қолданыңыз!
▶
Аккумуляторларды ешбір жағдайда модификациялауға немесе құрылымына өзгеріс енгізуге
болмайды!
▶
Аккумуляторларды бөлшектеуге, қысуға, 80°C (176°F) жоғары температураға дейін қыздыруға және
жағуға тыйым салынады.
▶
Соққы тиген немесе басқаша зақымдалған аккумуляторларды пайдаланбаңыз немесе
зарядтамаңыз. Аккумуляторларда зақымдалу белгілерінің бар-жоғын жүйелі түрде тексеріп
тұрыңыз.
▶
Еш жағдайда қайта өңделген немесе жөнделген аккумуляторларды пайдаланбаңыз.
▶
Ешқашан аккумуляторды немесе аккумуляторлық электр құралын соқпа құрал ретінде
пайдаланбаңыз.