222 SHQIP
4.
Hapeni rregullatorin duke e rrotulluar në drejtim të
akrepave të orës. Rregulloni rregullatorin te parametri i
duhur i presionit. Kompresori juaj është gati për t’u përdorur.
5.
Përdoreni gjithnjë kompresorin në vende të
ajrosura mirë; pa benzinë ose avuj të tjerë holluesi. Mos
e përdorni kompresorin pranë vendit të spërkatjes.
Kur të keni mbaruar:
Shkëputja e tubave
PARALAJMËRIM:
Rrezik nga funksionimi jo
i sigurt
•
Kapeni fort tubin kur e shkëputni për të mos
lejuar që ai të tundet. Humbja e kontrollit të
tubit mund të shkaktojë dëmtime fizike dhe
dëmtime të pronës.
•
Depozita e ajrit përmban presion të lartë ajri.
Mbajeni fytyrën dhe pjesët e tjera të trupit
larg nga dalja e shkarkimit. Mbani gjithnjë
syze sigurie të aprovuara me mbrojtëse
anësore kur bëni shkarkimin, pasi mbetjet
mund t’ju godasin në fytyrë.
1.
Vendoseni çelësin On/Auto-Off në pozicionin “Off”
dhe hiqeni baterinë.
2.
Rrotullojeni rregullatorin në drejtim të kundërt të
akrepave të orës për ta vendosur në zero presionin e
daljes.
3.
Hiqeni mjetin ose aksesorin me ajër.
4.
Hapeni valvulën e shkarkimit që ndodhet poshtë
depozitës së ajrit. Presioni i depozitës duhet të jetë nën
0,14 MPa (1,4 bar) kur shkarkohet depozita e ajrit.
5.
Anojeni depozitën në mënyrë të valvula e
shkarkimit të drejtohet poshtë dhe të kullojë.
PARALAJMËRIM:
Rrezik shpërthimi
Anojeni depozitën për ta zbrazur.
PARALAJMËRIM:
Për ta shkarkuar
depozitën, hapeni valvulën e shkarkimit me
ngadalë dhe anojeni kompresorin për ta zbrazur
ujin e grumbulluar. Mbajeni fytyrën dhe sytë larg
nga valvula e shkarkimit.
PARALAJMËRIM:
UJI DO TË
KONDENSOHET NË DEPOZITËN E AJRIT. NËSE
NUK SHKARKOHET, UJI DO TË GËRRYEJË
DHE DOBËSOJË DEPOZITËN E AJRIT
DUKE SHKAKTUAR RREZIK PËR ÇARJEN E
DEPOZITËS SË AJRIT.
VINI RE:
Rrezik i dëmtimit të pronës
Zbrazeni gjithnjë ujin nga depozita e ajrit. Uji
mund të përmbajë vaj dhe ndryshk që mund të
shkaktojnë njolla.
SHËNIM:
Nëse valvula e shkarkimit është e bllokuar,
lironi të gjithë presionin e ajrit. Më pas valvula mund
të hiqet, të pastrohet dhe të montohet përsëri.
SHËNIM:
Ajri i kompresuar gjeneron kondensim, i
cili akumulohet në depozitë, në filtër ose në pjesë
të tjera. Kondensimi përmban vaj lubrifikues dhe/
ose substanca, për të cilat ekzistojnë rregulla.
Zbatoni rregullat e vendit tuaj kur hidhni materialin e
kondensuar.
6.
Pasi uji të jetë shkarkuar, mbylleni valvulën e
shkarkimit. Tani kompresori i ajrit mund të vendoset.
PARALAJMËRIM:
Zbrazeni siç duhet
depozitën e ajrit. Shkarkimi jo i mirë i depozitës
së ajrit mund të shkaktojë gërryerje dhe çarje
të mundshme të depozitës. Çarja e depozitës
mund të shkaktojë dëmtime fizike dhe dëmtime
të pronës.
MIRËMBAJTJA
PARALAJMËRIM:
Asnjëherë mos e përdorni
kompresorin e ajrit nëse nuk funksionon siç
duhet.
Nëse kompresori duket se nuk funksionon siç
duhet, bën zhurma të çuditshme ose dridhje, mos
e përdorni më dhe merrni masa për riparim nga
një qendër servisi e autorizuar e Makita.
PARALAJMËRIM:
Përdorni vetëm pjesë
këmbimi origjinale të Makita.
Pjesët e këmbimit që nuk janë prodhuar nga
Makita mund ta bëjnë të pavlefshme garancinë
dhe mund të shkaktojnë defekte dhe plagosje.
Pjesët e këmbimit origjinale nga Makita mund të
gjenden te një shitës i autorizuar.
PARALAJMËRIM:
NJËSIA BËN CIKËL
AUTOMATIKISHT KUR NDIZET. KUR BËNI PUNË
MIRËMBAJTJEJE, MUND TË EKSPOZOHENI
NDAJ BURIMEVE TË TENSIONIT, AJRIT TË
KOMPRESUAR OSE PJESËVE TË LËVIZSHME.
MUND TË NDODHIN DËMTIME FIZIKE. PARA SE
TË BËNI NDONJË PUNË MIRËMBAJTJEJE OSE
RIPARIM, FIKENI MJETIN, HIQENI BATERINË DHE
LIRONI TË GJITHË PRESIONIN E AJRIT.
KUJDES:
Sigurohuni gjithmonë që vegla të
jetë fikur dhe të jetë hequr nga bateria përpara se
të kryeni inspektimin apo mirëmbajtjen.
VINI RE:
Mos përdorni kurrë benzinë, hollues,
alkool dhe të ngjashme. Mund të shkaktoni
çngjyrosje, deformime ose krisje.
Për të ruajtur SIGURINË dhe QËNDRUESHMËRINË,
riparimet dhe çdo mirëmbajtje apo rregullim tjetër duhen
kryer nga qendrat e autorizuara të shërbimit ose të
shërbimit të fabrikës të Makita-s, duke përdorur gjithnjë
pjesë këmbimi të Makita-s.
Për të garantuar punim të efektshëm dhe jetë më të
gjatë të kompresorit, duhet të përgatitet dhe të ndiqet
një program për mirëmbajtje. Procedura e mëposhtme
është përgatitur për një pajisje që punon çdo ditë në
një ambient normal pune. Nëse është e nevojshme,
programi duhet të modifikohet sipas kushteve ku
përdoret kompresori. Modifikimet janë në varësi të
orëve të punës dhe ambientit të punës. Kompresorët
që përdoren në ambiente tepër të pista dhe/ose të
papërshtatshme kanë nevojë për kontrolle më të
shpeshta mirëmbajtjeje.
